“သုံးဘ၀သစ္စာ” အချစ်နှင့်ဘ၀ဂမ္ဘီရ အခန်းဆက်ဝတ္ထုရှည်ကြီး အောင်ကောင်းမွန်(လားရှိုး)

                                                  အခန်း(၁)-(၂)-(၃)-(၄)-(၅)ဆက်တိုက်ဖတ်ရှူနိုင်ရန်
                                                        “ဒေါ်မေသဉ္စာခင်ရောက်ရှိလာခြင်း”             

နှင်းမှုံရည်ရစ်ဖွေး မြောက်လေသွေးလျှက်ရှိသော ဒီဇင်ဘာလ ဆောင်းသဘာဝတို့ လွှမ်းမိုးနေစဉ် ဖြစ်သည့် နေ့တစ်နေ့မှာပင်ဖြစ်လေတော့၏။ ကျွန်ုပ်မှာ လားရှိုးမြို့၏ မြို့လယ်နမ့်ဟူးတောင်ခေါ် သာသနာ (၂၅၀၀)ပြည်လုံးချမ်းသာစေတီတော်ရှိ ကျွန်ုပ်ဗေဒင်ဟောခန်းတွင် လွန်စွာမှကံကြမ္မာဆိုးဝါးမှုများ ကြုံတွေ့ နေရသူသုံးဦးအား ဆက်တိုက်ပင် ဗေဒင်ဟောပြီး ယတြာများပေးနေရလေ၏။ ထိုအချိန်မှာပင် အသက် အရွယ်အားဖြင့်ဆိုလျှင် (၃၀)ကျော်ရုံမျှလေးပင်ကျော်သည်ဟုယူဆရသော အမျိုးသမီးတစ်ဦးသည်လည်း ကျွန်ုပ်ဗေဒင်ဟောပေးနေသော သူများကိုဦးစားပေး၍ စောင့်ဆိုင်းနေသကဲ့သို့ပင် ဘုရားဂေါပကရုံးတွင် ကိန်းဝပ်တော်မူသော မြတ်စွာဘုရားရှင်ကို ဦးချကန်တော့၍ ကျွန်ုပ်နှင့်မျက်နှာချင်းဆိုင်တွင်ရှိသော ဆက်တီ ခုံတစ်ခုတွင် ထိုင်နေလေ၏။ သာမန်အားဖြင့်ဆိုလျှင် တခြားသာဗေဒင်မေးသူ အမျိုးသမီးဖြစ်စေ၊ အမျိုးသားဖြစ်စေ ၎င်းတို့ရှေ့တွင် ကျွန်ုပ်ဟောပြောနေသူများရှိနေလျှင် ဘုရားကိုဦးချပြီးလျှင် ကော်ဇော ပေါ်တွင်ဘဲ ထိုင်စောင့်ရင်စောင့်ဆိုင်းနေမြဲုဖစ်လေ၏။ အမျိုးသားအရာရှိကြီးများသာ ဤကဲ့သို့စက်တီခုံတွင် ထိုင်လေ့ရှိ၏။ ဒါကလည်းကျွန်ုပ်မှ လည်းကောင်းတို့ကို ထိုင်ရန်ခွင့်ပြုခြင်းကြောင့်ဖြစ်လေ၏။ ယခုတော့ ထိုအမျိုးသမီးမှာ တစ်မူထူးခြားနေကြောင်းထင်ရှား၍ ကျွန်ုပ်မှာ မဟာကျေးဇူးရှင် ပညာပိုင်းဆိုင်ရာ ဆရာ သခင်ကြီးဖြစ်သော အဘဒေါက်တာမင်းသိင်္ခ သင်ကြားဖူးသော ဗေဒင်မေးသူများ ဗေဒင်ဆရာရှေ့သို့ ရောက်လျှင် နေပုံထိုင်ပုံတွေကို မြန်မာ့ဆန်းဆရာကြီးများ အနေအထိုင်နမိတ်ယူပုံကို ပြန်လည်သတိရရင်း စဉ်းစားအဖြေရှာမိလေ၏။ ကျွန်ုပ်၏အတွေးမှာ တစ်ဖက်မှအလုပ်လုပ်နေသကဲ့သို့ တစ်ဖက်မှလည်းယတြာ များပြုလုပ်ရန်ပြောပြနေလေ၏။ ကျွန်ုပ်ပြောနေသော ယတြာများကိုလည်း ဗေဒင်မေးနေသူအမျိုးသမီးမှာ သေချာစွာ မှတ်မိနိုင်စေရန်၊ တိကျစွာဆောင်ရွက်နိုင်ရန် စာရွက်ဖြင့်ရေးမှတ်နေလေ၏။ ဤသို့နှင့်ပင် ကျွန်ုပ်ဆက်လက်ဟောကြားမည့်သူမှာ စက်တီခုံတွင် ဟန်ပါပါထိုင်နေသူ အမျိုးသမီးအလှည့်သို့ ရောက်လာ ပြီဖြစ်၍ ကျွန်ုပ်မှာ ”ကဲ ရှေ့စက်တီခုံမှာထိုင်နေတဲ့ အစ်မကြီးဗေဒင်မေးဖို့လာတာဆိုရင် ခင်ဗျားအလှည့် ရောက်ပါပြီဟု“ ပြော၍ ၎င်းအမျိုးသမီးအားခေါ်လိုက်တော့၏။ တစ်ဖက်မှလည်း ဟောပြောပြီးသူ အမျိုးသမီး မှာ ကျွန်ုပ်အား ဦးချကန်တော့ပြီး ကျေးဇူးတင်စကားပြော၍ ပြန်သွားလေ၏။ ဤကဲ့သို့ ယင်းအမျိုးသမီးမှ ကျွန်ုပ်အားကန်တော့နေခြင်း ကျွန်ုပ်နှုတ်မှ ပြန်လည်ပြီးဆုပေးနေခြင်းကိုကြည့်ရင်း ၎င်းအနေဖြင့် စက်တီခုံ ပေါ်တွင် ထိုင်နေခဲ့ခြင်းအား ပြန်လည်ပြီးသတိဝင်လာဟန်ဖြင့် ၎င်းထိုင်ခဲ့သော စက်တီခုံကိုပြန်ကြည့်ပြီး ကျွန်ုပ်ကိုပြန်ကြည့်ကာ အားနာသွားပုံရလေ၏။ မည်သို့ပင်ဆိုစေ ကျွန်ုပ်အနေဖြင့်
ယင်းဖြစ်စဉ်အပေါ်တွင် နိမိတ်ယူ၍ ကောင်းခြင်း၊ မြတ်ခြင်းသဘော၊ ဆိုးခြင်း၊ ရုတ်ခြင်းသဘောကို ကောက်ယူအမှတ်ပေးထားပြီး ဖြစ်၏။

ဗေဒင်စားပွဲတွင် အမျိုးသမီးထိုင်ပြီးသည်နှင့် ကျွန်ုမှာဘာတစ်ခွန်းမျှမပြောသေးဘဲ ၎င်းထိုင်ပုံ လက်တွင်ကိုင်လာသော ပခုံးလွယ်ပိုက်ဆံအိပ်ကို သူ၏ထိုင်ခုံဘေးတွင်ကပ်၍ ထားရှိပုံများအားနမိတ်ယူထားပြီဖြစ်၏။ ထို့နောင်တွင်သူ၏အိတ်အတွင်း မှ ဖယောင်းတိုင်အနီ၊ အဖြူတစ်ထုပ်နှင့်
အမွှေးတိုင်အထုပ်ကြီးတစ်ထုပ်ဖြင့် ကျွန်ုပ်အား ရိုသေစွာပေးလှူ ပြီး ၎င်းနှင့်ပတ်သက်သမျှကို ပြောလေတော့၏။

“ကျွန်မအမည်မှာ ဒေါ်မေသဉ္စာခင် လို့ခေါ်ပါတယ်ဆရာ၊ ကျွန်မဆေးနဲ့ ကျောင်းပြီးပါပြီ၊ အလုပ်သင် လည်းဆင်းပြီးပါပြီဆရာ အခု postin ၀င်ဖို့စောင့်နေတာပါ။

ကျွန်မမွေးသက္ကရာဇ်က (၁၉၈၂ ခုနှစ် ဒီဇင်ဘာလ (၉)ရက်) ကြာသပတေးသမီးပါ။ မြန်မာသက္ကရာဇ် ကတော့ ၁၃၄၄ခုနှစ် တန်ဆောင်မုန်းလပြည့်ကျော်(၉)ရက်နေ့ပါဆရာဟု ပြောလေ၏။ ကျွန်ုပ်သည်နှစ်တစ် ရာပြက္ခဒိန်ကိုလှန်ယင်း ၎င်းအမျိုးသမီးဖြစ်သူ ဒေါ်မေသဉ္စာခင်၏ အင်္ဂလိပ်မြန်မာ မွေးသက္ကရာဇ်များ မျှတ ညီညွတ်မှုရှိမရှိ စစ်ဆေးရာတွင်လည်း ဟုတ်မှန်နေသောကြောင့် ၎င်းအမျိုးသမီးအား ကောင်းမြတ်ခြင်း သဘောကိုထပ်မှန်၍ အမှတ်ပေးရပြန်၏။ နာရီကိုလှမ်းကြည့်ရာတွင် နေ့ခင်းမွန်းတက်(၁၁း၄၅)နာရီဖြစ်နေ ၏။ ကျွန်ုပ်ဗေဒင်စ၍ ဟောပြောသည့်အချိန်ဟာ (၁၁း၀၀)တိတိတွင် ဗေဒင်စားပွဲစထိုင်၍ ဘုရားကန်တော့ပရိကန်ပြုလုပ်ပြီး သတ္တ၀ါအပေါင်းနှင့်တကွ အဘဒေါက်တာမင်းသိင်္ခ၏ တပည့်ပရိတ်သပ်များအားလုံး ကျွန်ုပ်၏တပည့်ပရိတ်သပ်များအားလုံး တရုတ်၊ ဗုဒ္ဓဘာသာဝင်တို့တွင် မိလိဖုခေါ်(အရိမိတ္တယျ) ဘုရား လောင်းကို ကိုယ်းကွယ်သူ ခုနှစ်ရက်သားသမီးများအားလုံးကို အထူးမေတ္တာပို့၏။ ပြီးလျှင်ဆရာသခင်တို့ထံ ခွင်ပန်၍ တစ်နေ့တာ ဗေဒင်ဟောပြောခြင်း၊ ယတြာပေးခြင်းအလုပ်ကို စတင်လုပ်လေ၏။ ဒါဟာနေ့စဉ်ဖြစ် ၏။ ယခုဒေါ်မေသဉ္စာခင်မှာ ကျွန်ုပ်ထို့နေ့၏ ဗေဒင်စားပွဲထိုင်ပြီး (၄၅)မိနစ်တိတိတွင် ၎င်းအားဗေဒင်စ၍ တွက်ပေးနေရခြင်းဖြစ်သလို ထိုနေ့သည်လည်း ၂၀၁၁ ခုနှစ် ဒီဇင်ဘာ (၂)ရက်ဖြစ်သောကြောင့် ရက်လနှစ် တို့ကို စာလုံးထဲပေါင်းလျှင် (၉)ဂဏာန်းရနေကြောင်းကို ကျွန်ုပ်ကောင်းစွာ သတိပြုမိပြန်၏။ ဒီအမျိုးသမီး ကတော့ ၉ ဂဏာန်းသမားဘဲ ၉ ဂဏာန်းဟာသူ့ကို တော်တော်စိုးမိုးနေတာ။ ကျွန်ုပ်သည် ၉ ဂဏာန်းအား စဉ်းစားလျှင်အမြဲလိုပင် ၇ ဂဏာန်းသည် ပါလာတတ်လေ၏။ ဘာအကြောင်းကြောင့်လည်းဟု တစ်စုံတစ် ယောက်မှ မေးလာလျှင်ဖြစ်စေ၊ ဗေဒင်တတ်တဲ့ ဂမ္ဘီရပညာရှင်ဆရာကြီး တစ်ဦးဦးမှ မေးခဲ့သည်ရှိလျှင် ကျွန်ုပ်အနေဖြင့် ဘယ်လိုမှပင် ရေရေရာရာပြန်ပြီးဖြေနိုင်မည်မဟုတ်ပါ။ သို့သော်လည်း ဤကမ္ဘာလောက ကြီးတစ်ခုလုံးတွင် (၉)ဂဏာန်းနှင့် (၇)ဂဏာန်းတို့၏ အကြောင်းကိုထူးထူးခြားခြားရှိတာမြင်ရင်ပြောပြစမ်းပါ အောင်ကောင်းမွန်ရာဟုသာပြောလာလျှင် ကျွန်ုပ်အနေနှင့် ကျမ်းကြီးစာစောင်အထိရေးဖွဲ့မှတ်သားထားလို့ ရလောက်အောင်ပင် ကျွန်ုပ်အနေဖြင့် အချိန်ပေးပြီးပြောဖြစ်မည်မှာ မှန်သောသစ္စာစကားပင်ဖြစ်၏။

အဘယ့်ကြောင့်ဆိုသော် ကျွန်တော့အဘဒေါက်တာမင်းသိင်္ခမှ ကမ္ဘာလောကကြီးတစ်ခုလုံးနှင့် ပတ်သတ်၍ ကိန်းဂဏာန်းတို့၏ စိုးမိုးပုံအစွမ်းထက်မြတ်ပုံ လူတို့ကိုကောင်းကျိုးပြုပုံ၊ ဆိုးကျိုးပြုပုံတို့ကို နုတ်မှ အဘအနီးကပ်တပည့်ကြီးများ (ဆရာကြီး၊ ဆရာမကြီးများ)ကိုသာပြောပြထားသော စကားများကို အဘ၏အထူးအားထားရသူ အဘအနီးကပ်အဘတပည့်ကြီး ဆရာကြီးသိဒ္ဒိဆန်းလက်ရေးမူနှင့် မူရင်းစာ ရွက်ထုပ်ကြီးမှာ ယခုအချိန်ထိ ကျွန်ုပ်မှာကောင်းစွာ သိမ်းဆည်းထားရှိခြင်းကြောင့်ပင်ဖြစ်၏။ ၎င်းစာရွက် ထုပ်ကြီးကို သေချာစွာချုပ်၍ အဘရဲ့အရေးကြီးပညာရပ်များ (ထိပ်တန်း ဂမ္ဘီရပညာဖိုင်) မဆိုင်သူများ လှမ်း၍ မျက်စောင်းမျှပင်မထိုးရဟု ရေး၍သေခြာသိမ်းဆည်းထားခြင်းကြောင့်ဖြစ်၏။

ဤသို့ပင် ကျွန်ုပ်သည် ဂဏန်းဗေဒင်နဲ့ပတ်သက်လို့ကတော့ကွာဆိုပြီး ဘ၀င်အမြင့်ကြီးမြင့်၍ နေလာခဲ့သည်မှာ အတော်ပင် ကြာပြီဟု ၀န်ခံမိပါသည်။ လက်တွေ့တော့ ဂဏန်းဗေဒင်နှင့် ပတ်သက်သည့် ထူးထူးခြားခြားပတ်သက်ဆက်နွယ်သူတို့ကို ဘ၀မှာ လုံးဝ (လုံးဝ)ကို မတွေ့ခဲ့ဘူးသည့်မှာ အမှန်ပင် ဖြစ်တော့၏။ ယခုဗေဒင်မေးသူ ဒေါ်မေသဉ္စာခင်မှာ ဂဏန်းဗေဒင်မှပြသောနိမိတ်ထူးများပေါ်နေသကဲ့သို့ကျွန်ုပ်တို့၏ အဘဆရာကြီးဒေါက်တာမင်းသိင်္ခဗေဒကျောင်းတော်ကြီး၏မူရင်းပညာရပ်ဖြစ်သောစန်းဗေဒင်ကိန်းဂဏန်း များကို တွက်ချက်ရင်းမှာ ပင် ကျွန်ုပ်မှာ ဒီအမျိုးသမီးတော့ တော်တော်ထူးနေပြီဟုကျွန်ုပ်အနေနှင့် ကောင်းစွာ သတိထားမိတော့၏။

၉-၁၂-၁၉၈၄၊ ၁၃၄၄ တန်ဆောင်မုန်းလပြည့်ကျော် (၉)ရက်၊ ကြာသပတေးနေ့ နံနက် (၉း၀၀)မွေး၊ ဒေါ်မေသဉ္စာခင်၏ မဟာဘုတ်နှင့် သက်ရောက်တိုင်
မှတ်ချက်


မြန်မာဆန်းဗေဒင်ပညာကို တတ်ကျွမ်းနားလည်သူ ဗေဒင်ဆရာများဝေဖန်နိုင်ရန် အားရည်ရွယ် တင်ပြခြင်းဖြစ်သည်။
စာရေးသူ

ဒေါ်မေသဉ္စာ၏ လတ်တလော (၅၂)ရက်ကံဇာတာကိုလည်း အတိအကျပြောပြနိုင်ရန် တားရော့ချိုး ခိုင်းရာတွင်လည်း ပထမဆုံးကျကပ်မှာ တားရော့နံပါတ် (၁၁) မနုစာရီကပ်ဖြစ်ပြီး၊ (၁၀)တန့်ကပ်မှာ တား ရော့နံပါတ် (၉) ပုဏ္ဏားဘကွန်းလာပ်ဖြစ်နေပြန်၏။ (၇) တန့်ကပ်ကို သတိထားကြည့်ရာတွင် တားရော့ နံပါတ် (၁၉)နေသူရိန်ကတ်ဖြစ်နေသောကြောင့် ကျွန်ုပ်အနေနှင့် ဇာတာရှင် ဒေါ်မေသဉ္စာခင်၏ လက်ရှိ ဖြစ်နေသော အခြေအနေများကို ကောင်းစွာသဘောပေါက်၍ စီးကရက်တစ်လိပ်အား မီးညှိပြီးရှိုက်ဖွာရင်း ပင် (၅၂)ရက် ကံဇာတာကို ဆက်တိုက်ပင်ဟောသွား၏။ ပြီးလျှင်တစ်နှစ်စာဖြစ်လာမည့် ကံဇာတာကိုဆက် ၍ဟောပြောကာ၊ ယတြာများပါတစ်ပါတည်းထည့်၍ ပြောရပြန်၏။ ထို့နောက်တွင် လူတို့၏ဘ၀တွင် အရေး ကြီးဆုံးဖြစ်သော၊ လူတာဝန်တစ်ခုလို့ပင်ပြောလျှင် ပြော၍ရသော အိမ်ထောင်ရေးဟုဆိုသည့် အရေးကြီးနှင့် ပတ်သတ်၍ ၎င်း၏ဘ၀တွင် အရေးကြီးနေပုံ၊ အရွေးမှန်ရင်၊ စိတ်ဆောင်ရာသို့ ဥာဏ်ရှင်ပြီး အမြဲတစ်ထပ် တည်းလိုက်နေဖို့ သတိကြီးစွာရှိရန် ဟောပြောရတော့၏။ ဒေါ်မေသဉ္စာခင်မှာ ကျွန်ုပ်နှုတ်မှ ပြောသမျှကို သေချာစွာ ရေးမှတ်ထား၏။ ကျွန်ုပ်ဟောပြောခြင်းတွင် ဇာတာရှင်ဒေါ်မေသဉ္စာ၏ ဘ၀တစ်သက်တာတွင် ကံကောင်းမှုများဖြစ်ထွန်းထောက်ပံ့မှုရစေမည့်ကံဆိုးမှုတို့ကို တားဆီးနိုင်ရန်အတွက် တစ်သက်တာ အဆောင်ကျောက်အဖြစ် ပတ္တမြားတစ်လုံးကို အမြဲတမ်း အသားနှင့် ထိနေအောင် ဆောင်ထားရန်လို ကြောင်းကိုလည်း မှာကြားရလေတော့၏။ ဤသို့ပြောလိုက်ခြင်းကို ဒေါ်မေသဉ္စာခင်မှာ အနည်းငယ် ပြန်လည်မေးလိုကြောင်းကိုမူ ၎င်း၏ မျက်နှာ၊ မျက်လုံးအစုံပုံပန်းသဏ္ဍာန်မှ ပြနေသောကြောင့် ကျွန်ုပ်မှ စိတ်မကြေမနပ်တာ မရှင်းတာ၊ ထပ်ပြီးသိလိုတာတွေမေးဖို့ကျန်ရင် လွတ်လွတ်လပ်လပ်မေးလို့ပြောလို့ ရတယ်၊ ဒေါ်မေသဉ္စာင်ဟု ပင် မေးခွင့်ပေးလိုက်၏။ ထို့ကြောင့်၎င်းမှ ဒီလိုပါဆရာ ပတ္တမြားကို ကျွန်မ ကြိုက်ပါတယ်။ ဒါပေမဲ့လို့ ကျွန်ုမကြားဘူးတာ မိန်းကလေးတွေအနေနဲ့ ပတ္တမြားက မတည့်တာ ရှိတတ် တယ်။ မိန်းကလေးတစ်ယောက်အနေနဲ့ ဘ၀တစ်သက်တာလုံးပတ္တမြားဆောင်ရင် ကျွန်မအနေနဲ့ပေါ့လေ၊ တကယ်ဘဲ သင့်တော်သလားဆရာဟုပင် ပြန်၍ မေးလေ၏။

ခင်ဗျားအတွက် ဘ၀တစ်သက်တာလုံးပတ္တမြားဆောင်လို့ ရလို့ သင့်တော်လို့ ကျွန်တော်ကနေ အကြံပြုညွှန်ကြားတာပါ။ သေသေချာချာတွက်ချက်ပြီး ပြောတာ။ ခင်ဗျားဟာ အင်္ဂလိပ်လို (၉) ရက် မွေးသူ ဖြစ်တယ်။ အနောက်တိုင်းဂဏန်းဗေဒင်ပညာအရ (၉)ဂဏန်းသမားလို့ မှတ်ယူရမယ်။ ပြီးတော့ ခင်ဗျား မဟာဘုတ်မှာလည်းသုညကြွင်းတူဖြစ်တယ်။ ခင်ဗျားဟာအထက်တန်းစား ဇာတာရှင်တစ်ဦးဖြစ်နေတယ်။ အဲဒါကြောင့်မလို့ အိမ်ထောင်ရေးမမှားဖို့ ကျွန်တော်သေသေချာချာသတိပေးထားတာပါ။ သာမန်ယောကျာ်း မျိုးနဲ့အိမ်ထောင်ပြုမိရင်တောင်မှ ခင်ဗျားအိမ်ထောင်ကမြဲမယ်လို့ တပ်အပ်မပြောနိုင်ဘူး။ ဘာလို့လည်း ဆိုတော့ခင်ဗျားဟာ သိပ်မြင့်မြတ်နေလို့။ အဲဒါကြောင့်မလို့ တစ်သက်တာအတွက် အဆင့်တန်းမြင့်တဲ့ အိမ်ထောင်ဖက်ဖြစ်မှလက်ထက်သင့်တယ်။ ပြီးတော့ အင်္ဂလိပ်လရဲ့ဘယ်လဘဲဖြစ်ဖြစ် (၉)ရက် (၁၈)ရက် (၂၇)ရက်နေ့တွေမှာ မွေးသူတွေဟာ ဆန့်ကျင်ဖက်လိင်ကြောင့် ဒုက္ခရောက်တတ်လို့ သတိထားရတယ်။ အလားတူ ဆန့်ကျင်ဖက်လိင်ကြောင့်ဘဲ ဘ၀အခြေအနေဟာအမြင့်မားဆုံး၊ အမြတ်ဆုံးထိကိုလည်း မမျှော် လင့်ဘဲပြောင်းသွားနိုင်သေးတယ်။ အဲဒါဟာဘ၀အတွက်အရေးကြီးတဲ့အချက်ပါဘဲ။

ယောက်က်ျားဆိုရင်မိန်းမအတွက်ဒုက္ခရောက်တတ်တယ်၊ မိန်းမတွေဆိုရင်လည်း ယောက်ျားတွေ အတွက်ဒုက္ခရောက်တတ်တယ်။ ဒေါ်မေသဉ္စာခင်မှာ ကျွန်တော်ပြောသမျှနားထောင်ရင်းပင် ခေတ္တတွေဝေ သွား၏။ ပြီးမှပင် ပြန်၍သတိဝင်ဟန်ဖြင့်ပင် ကျွန်တော်ကိုကျေးဇူးတင်စကားပြောပြီး ဥာဏ်ပူဇော်ကန်တော့ ၍ပြန်သွားလေ၏။ ပြန်ခါနီးတွင်ကျွန်တော့်အား ကျွန်မဆရာဆီမှာ ဗေဒင်မေးဖို့လာတာ ဒါနဲ့ဆိုရင် (၃)ခေါက်ရှိပါပြီ။ဆရာမရှိတဲ့အချိန်၊လူများနေတဲ့အချိန်တွေနဲ့ဘကြုံခဲ့လို့မမေးဖြစ်ခဲ့တာပါ။အခု(၃)ခေါက်   မြောက်မှတွေ့ဖြစ်ခဲ့ရတာပါ။ ဆရာဟောပြောချက်တွေအားလုံးလိုလိုဟာ ကျွန်မအတွက်တိုက်ဆိုင်မှုရှိပါ တယ်။ တစ်ကယ့်ကိုမှန်ပါတယ်ဆရာ။ အခုဆရာဟောသမျှ ကျွန်မဒီညသေချာပြန်ပြီး ဖတ်ပါ့မယ်။ ပြီးရင် ကျွန်မ မနက်ဖန်ဆရာ့ဆီပြန်လာတွေ့ချင်ပါတယ်။ ထပ်ပြီးမေးခြင်တာ ကျွန်မဘ၀အတွက် အရေးတကြီး ဆုံးဖြတ်စရာတွေရှိလို့ပါဆရာ ဟုပြောရာ ကျွန်ုမှကောင်းပါပြီ မနက်ဖန်ကာပြန်လာပြီး မရှင်းတာ လွတ်လွတ် လပ်လပ်မေးလို့ရပါတယ်။ နေ့ခင်း(၂)ချက်ထိုးလောက်ဆို ဟောခန်းမှာလူရှင်းပါပြီ။ အေးအေးစေးစေးပြော ချင်ရင် အဲဒီအချိန်လောက်မှလာပါ။ ဒါကကျွန်မလိပ်စာကတ်ပါ ဆရာဟုပြောင်၍ သူမ၏လိပ်စာအပြည့်အစုံ ပါလိပ်စာကတ်ကိုမူ ပေးခဲ့လေ၏။

ထို့နောက် ဒေါ်မေသဉ္စာခင်ဟူသော မိမိကိုယ်ကိုယ်မိမိ အသက်(၃၀)၀န်းကျင် အသက်အရွယ်နှင့်ပင် လေးလေးစားစား လူကြီးဆန်ဆန် ခေါ်ဝေါ်ပဥာတ်တတ်သူမိန်းမပျိုလေးမှာ ကျွန်တော့ဗေဒင်ဟောခန်းမှပင် ထွက်ခွါ သွားလေတော့၏။ သူမထွက်ခွါသွားမှပင် လိပ်စာကတ်ကို ကျွန်ုပ်ကောင်းစွာကြည့်မိရာတွင် ကျွန်ုပ် လွန်စွာမှပင် တုံလှုပ်၍သွားလေတော့၏။ ကျွန်ုပ်မျက်လုံးအစုံသည် ပြူး၍သွားသလိုခံစားရ၏။ ကျွန်ုပ်ပါးစပ် များလည်း ပွင့်သွားသလားမသိတော့။

ဤကဲ့သို့ ကျွန်ုပ်အနေနှင့် လွန်စွာမှ အံသြခြင်းတုိ့၏အမြင့်ဆုံးသို့ ရောက်သွားရခြင်း၏ ပွိုင့်မှာတော့ သူမ၏အိမ်တွင်တွဲ၍ ပြုလုပ်ထားသော လုပ်ငန်း၏နာမည်ကြောင့်ပင်ဖြစ်တော့၏။ “ အဲဒီအမျိုးသမီးက ကိုယ်ပိုင်အင်တာနက်ဆိုင်ဖွင့်ထားတယ်- သူ့ဆိုင်နာမည်က “Platonic Love “ ဆိုပါလား။ ကျွန်ုပ်၏နားတွင် “Platonic Love “ ဆိုသောအသံတို့သည် ပဲ့တင်ထပ်၍ပင်ကြားနေမိတော့၏။ လှုပ်ရှားတုန်း လှုပ်ရှားမှုများ လွန်စွာအားကြီးနေသော ကျွန်ုပ်စိတ်နှလုံးအား ထိန်းချုပ်၍ပင် “တစ်ခုခုတော့ထူးနေပြီ” ဟုဆုံးဖြတ် ချက်ချ မိလိုက်လေတော့သတည်း။

                                                                    ဆက်လက်ဖော်ပြပါဦးမည်

မေတ္တာအနန္တဖြင့်
အောင်ကောင်းမွန်(လားရှိူး)


မှတ်ချက်။ ။

ယခုကျွန်ုပ်ရေးသားဖော်ပြလျှက်ရှိသော “သုံးဘ၀သစ္စာ“ အခန်းဆက်ဝတ္ထုရှည်ကြီးတွင် ယခုအခန်း (၁)တွင် ဤအခန်း(၁)တွင် ဤအခန်းဆက်ဝတ္ထုဇာတ်လမ်းကြီးတစ်ခုလုံး၏ အဓိကအမျိုးသမီးဇာတ်ဆောင် ဖြစ်သော ဒေါ်မေသဉ္ဖာခင်အား ဗေဒင်မေးစဉ်တွင် ဗေဒင်ဆရာဖြစ်သူမှ ၎င်းကိုဟောပြောလိုက်သောအချက် အားလုံးကို ကျွန်ုပ်အနေဖြင့် ဖော်ပြလိုပါသည်။ စာဖတ်ပရိတ်အားလုံးလည်း ယင်းဇာတ်ကောင်၏ ဇာတာ ထူးခြားမှုတို့ကို သိစေခြင်ပါသည်။ သို့သော်လည်း ယင်းအမျိုးသမီးမှာ လက်ရှိဘ၀အချေအနေ၊ ၎င်း ၏ပညာရာထူး၊ အရှိန်အ၀ါ အဆင့်အတန်းတို့နှင့် စပ်လျှင်း၍ တစ်ချို့သောဟောချက်များမှာ မသင့်တော်မူ ရှိနေခြင်းကြောင့် တစ်ကြောင်း၊ လက်ရှိခေတ်အခြေအနေအရဆိုလျှင် သဘာဝမကျနိုင်လောက်အောင်ပင် ထူးခြားမှုဟောချက်တို့ ပါနေခြင်းကြောင့်ပင် ဟောချက်တို့အား အကျဉ်းချုံးဖော်ပြထားခြင်းဖြစ်ပါသည်။

သို့သော်လည်း ဤထူးခြားလျှို့ဝှက်ဆန်းကျယ်မှုတို့နှင့် စုစည်းဖန်တည်းသော ဤအချစ်ဇာတ်ထုတ် ကြီးတစ်ခုလုံးသာဖတ်ရှုခဲ့သည့် အချိန်တွင် စာဖတ်ပရိတ်သတ်များ စိတ်ဝင်စားသူရှိ၍ ပြန်လည်တောင်းဆို မှုရှိလျှင် ဤဇာတ်ကောင် ဒေါ်မေသဉ္ဇာခင်၏ဟောချက်ကို မြန်မာဆန်းပညာခွင်ဟောကြားမှုအား၎င်း၊ အနောက်တိုင်း ဂဏန်းဗေဒင်နှင့် မြန်မာဘုတ်ပညာတို့မှရ ရှိလာသည့် ၎င်း၏တစ်တဘ၀တာ ပင်ကိုမူလ စရိုက်များအား၎င်း၊ ၎င်းမေးစဉ်အချိန်တားရော့ (၁၂)ချပ်၏ (၁၂)ရာသီဟောကိန်းကိုလည်းကောင်း ပြန်လည်ဖော်ပြ ပေးမည်ဖြစ်ပါသည်။

လေးစားစွာဖြင့်
စာရေးသူ

                                        “သုံးဘ၀သစ္စာ”                      အောင်ကောင်းမွန်(လားရှိူး)

                                                      အခန်း(၂)
                                          ကျွန်ုပ်ဟူသောသူ၏ ငယ်ဘ၀

ကျွန်ုပ်သည် ဘ၀ပေးအခြေအနေအရ အသက်(၁၂)နှစ်အရွယ်တွင် ဓါတ်ပုံပညာသင်ပြီး လားရှိုးမြို့၊ နန်းဟေ၀န် ဥယျာဉ်တွင် ဓါတ်ပုံအကွက်စားဖြင့်ရိုက်သည့်ကင်မရာမင်းဘ၀နှင့်ပင် လောကဟူသည့်ပင်လယ်ကြီးအား စတင်၍ လက်ပစ် ကူးခဲ့ရတော့၏။ တက္ကသိုလ်ပညာ၍မကြားဖူး၊ အထက်တန်းပညာရပ်များအား နားမလည်မှုများနှင့်ပင် မိမိဘ၀အတွက် အထူး အားကိုးအားထားခဲ့ရသော ဓါတ်ပုံဆရာကြီး ဦးကျော်ကြီးနှင့် ဦးကျော်သက် (လားရှိုးဘဲရောင်စုံဓါတ်ပုံတိုက်)တွင် ပညာသင် ရင်း ငွေရှာရင်းနှင့်ပင် လူပျိုပေါက် ဝေလင်းဘ၀သို့ ရောက်မှန်းမသိအောင် ရောက်ခဲ့လေတော့၏။

ကျွန်ုပ်၏ပညာသင်ဆရာနှစ်ဦးဖြစ်သူမှာ လွန်စွာမှပင် ကျွန်ုပ်အားချစ်ကြ၏။ သားရင်းတစ်ယောက်ပမာလည်းဘဲ အားထားကြ၏။ ကျွန်ုပ်မှာလည်း ဆရာများချစ်အောင်နေခြင်းကြောင့်ဖြစ်၏။ ဆရာများရှေ့တွင် အမြဲရိုရိုကျိုးကျိုးနေ၏။ ပြောစကားနားထောင်၏။ ခိုင်းသမျှကိုလည်းဘဲ ချက်ချင်းပင်ထ၍ ပေါ့ပါးသွက်လက်စွာ လုပ်ပေးမြဲလုပ်ပေး၏။ ညည်းညူခြင်း ဟူ၍မရှိ။ လွဲချော်သွားသည်ဆိုသည်မှာလည်း လွန်စွာမှပင်ရှားပါးလှ၏။ ဆရာများတို့၏ အောက်ခြေသိမ်းကိစ္စများကအစ မညည်းမညူလုပ်ပေးခဲ့၏။ ညနေဆိုင်သိမ်းလျှင် ဆရာတို့၏အိမ်တွင်ရှိသော အမှိုက်တောင်းမှအမှိုက်များအား အမှိုက်ပုံတွင် သွား၍ပုံ၏။

ထိုစဉ်ကာလမှာ ကျွန်ုပ်၏အဖြစ်က ကျွန်တစ်ဦးနှင့်တူ၏။ သို့သော်လည်း ကျွန်အစစ်တော့မဟုတ်။ ကျွန်အစစ် သည်ကျွန်စရိတ်ရ၏။ ကျွန်ုပ်မှာတော့

ကျွန်စရိတ်မရ။ ဓါတ်ပုံပညာတစ်ခုတည်းကိုသာရ၏။ ဤသို့ပြုလုပ်နေရခြင်းကိုပင် ကျွန်ုပ်မှာ လွန်စွာမှ ၀မ်းမြောက်ဝမ်းသာဖြစ်လို့နေ၏။ တစ်ခါက ကျွန်ုပ်သည် နံနက်(၅း၀၀)နာရီကျော်တွင် ဆရာများနေအိမ် သို့ရောက်လေ၏။ ကျွန်ုပ်ရောက်တိုင်းပင် နေ့စဉ် ဆရာနှစ်ဦး၏ သားကြီးများ၊ သမီးကြီးများမှာ ကိုယ်စီကိုယ်စီ ၄င်းတို့၏ ဖခင် များအား “ပါပါး ဝေလင်းလွိုင်”ဟု တရုတ်ကွမ်းတုံစကားဖြင့် သတင်းပို့တတ်ကြမြဲဖြစ်၏။ ၄င်းကလေးများဟာ ကျွန်ုပ်ထက် သုံးနှစ်လေးနှစ်ခန့် ငယ်သူများဖြစ်၏။ ဤသို့ဖြင့် ထိုနေ့သည် စောစောသွားရခြင်းက တရုတ်ရိုးရာသချိုင်းကတော့ပွဲ ရှိခြင်း ကြောင့်ဖြစ်၏။

ဆရာများ၏ ကလေးများဟာ ကျွန်ုပ်ကိုမြင်လျှင်မြင်ခြင်းဘဲ ၄င်းတို့ဖခင်များထံသို့ ခါတိုင်းနံနက်ခင်းများကဲ့သို့ ကျွန်ုပ်လာပြီဖြစ်ကြောင်း သွားရောက်သတင်းမပို့ဘဲ ၄င်းတို့၏အဖွားထံသို့သာ သွားရောက်ပြောဆိုကြလေ၏။

ကျေးဇူးရှင်ဆရာ(၂)ဦး၏ မိခင်ဖြစ်သူမှာလည်း မြင်လျှင်မြင်ချင်းပင် ပြုံးပြုံး ပြုံးပြုံးနှင့် “ဝေလင်း၊ ဒီအမှိုက်တွေသွားသွန်လိုက်ဦး”ဟုဆိုလေ၏။ “မနေ့ညက ဝေလင်းသွားသွန်တာအဖွားတွေ့တယ်၊ အခုဒါက အသစ်၊ သွားသွန်တော့ ဝေလင်း၊ တော်ကြာကြွက်တွေလာမှာစိုးလို့”ဟု ချိုချိုသာသာနှင့်ပင် အာရုဏ်ဦးအခါသမယမှာပင် ကျွန်ုပ်အား အမှိုက်များသွန်ရန် တာဝန်ပေးလေတော့၏။ ထို့ကြောင့်ပင် ကျွန်ုပ်မှာလည်း “ဟုတ်ကဲ့အဖွား . . . ကျွန်တော်အခုသွားပါမယ်” ဟုဆိုကာ အမှိုက်တောင်းရှိရာ အိမ်နောက်ဖေးသို့ ခပ်သွက်သွက်လျှောက်သွားလိုက်၏။

ထိုအခါ ဆရာဖြစ်သူ ကိုကျော်သက် မှာ “ဝေလင်း . . . အခုအစောကြီး . . . တစ်ယောက်တည်းမသွားနဲ့ . . . ခဏနင် စံမောင်လာမှသွား”ဟု သူ၏မိခင်အား တရုတ်ကွမ်းတုံစကားများဖြင့် မည်သည့်အဓိပ္ပါယ်ဖြစ်သည်ဟု နားမလည်နိုင်သောစကားများကို ဆက်တိုက်ပြောနေကြ၏။ မိခင်ကြီးဖြစ်သူမှာလည်း သူ၏သားဖြစ်သူအား ပြန်၍ပြောပြန်၏။ ထိုသို့သားအမိနှစ်ယောက် နံနက်ခင်းမိုးမလင်းခင်တွင် သူတပြန်ကိုယ်တပြန် ပြောနေသော တရုတ်ကွမ်းတုံစကားများသည် ကျွန်ုပ်လို နားမလည်သူ တိုင်းရင်းသားတစ်ယောက်အဖို့ တော့ စကားများနေ၊ ရန်ဖြစ်နေသည်လိုမျိုး နားထောင်ခံစားနေရသည်မှာမဟုတ်ဘဲ အမေတလှည့် သားတလှည့် တရုတ် တယော လက်စွမ်းပြနေသည်ဟုပင် ခံစားနားထောင်မိတော့၏။ ထို့ကြောင့်ပင် လွန်စွာမှ နားထောင်ကောင်းသလိုဖြစ်နေ၏။ အမှန်မှာတော့ ကျွန်ုပ်အားအကြောင်းပြု၍ စောစောစီးစီး ဆရာသမား သားအမိမှာ စကားများနေကြခြင်းပင်ဖြစ်၏။ သို့သော် လည်း အသက်(၁၂)အရွယ်ကလေးဖြစ်သူကျွန်ုပ်မှာတော့ နားမလည်ခဲ့ခြင်းမှာ ထိုစဉ်အချိန်ကာလကဖြစ်ရပ်တစ်ခုပင် ဖြစ်လေတော့၏။

ကျွန်ုပ်မှာလည်း တရုတ်တယောသံနှင့်တူသော နံနက်ခင်း စကားများရန်ဖြစ်သည့်အသံများ နားထောင်၍၀သလိုဖြစ်သွားချိန် မှာပင် စံမောင်ဆိုသူ ပညာသင်ဘက်တစ်ဦးမှာ ရောက်ရှိလို့လာလေ၏။

ထို့ကြောင့် ကျွန်ုပ်မှ ၄င်းအား “ဟေ့ . . . စံမောင် ၊ ဒီမှာအဖွားက . . . ဒီအမှိုက်အိတ်တွေ သွားသွန်ဖို့ပြောထားတယ် ငါတစ်ယောက်တည်းသွားဖို့ . . . ဆရာကျော်သက်က မင်းလာမှ မင်းနဲ့အတူသွားဆိုလို့စောင့်နေတာ . . . ကဲ ဒီအိတ်တွေမ” ဟု ပြောရင်းပင် နံနက်ခင်း အာရုဏ်ဦးအလှအပကိုခံစားရင်း အမှိုက်အိတ်များထမ်းကာ အမှိုက်ပုံရှိရာဆီသို့ ပညာသင်ဖော် သင်ဖက် ခင်မင်ခဲ့ရသော စံမောင်ဆိုသူနှင့်အတူ အမှိုက်များသွန်ခဲ့ရပုံကို ထိုစဉ်အချိန်ကာလတွင် လွန်စွာမှ သွက်လက်ပေ့ါပါး နေခဲ့လေတော့၏ . . .။

ဤသို့နှင့် အိမ်သို့ပြန်ရောက်လျှင် အဖွားဖြစ်သူ ဆရာသမားတို့၏မိခင်ကြီးမှာ ကျွန်ုပ်နှင့်စံမောင်အား ခုနှစ်လွှာပေါက်စီနှင့်အတူ ၄င်းကိုယ်တိုင်ပြုလုပ်ထားသော ငရုတ်ဆီနှင့်ကျွေးလေ၏။ ကျွန်ုပ်တို့နှစ်ဦးမှာလည်း ထိုနေ့နံနက်စာ အဖြစ် ၄င်းခုနှစ်လွှာပေါက်စီတစ်လုံးစီကို နှစ်ဦးသား မြိန်ရှက်စွာစားသောက်ကြလေ၏။ စားသောက်အပြီးတွင် ရေအေး တစ်ယောက်တစ်ခွက်စီသောက်၏။ ကျွန်ုပ်တို့နှစ်ဦး ရေသောက်နေစဉ်မှာပင် အဖွားဖြစ်သူမှာ ဤသို့ပင် ဗမာစကားမပီတပီ ဖြင့်ပြောလေ၏။ “ဝေလင်းနှင့်စံမောင်တော်တယ် . . . တကယ်ကိုတော်တယ် . . . မီးဖိုဆောင်တစ်ခုလုံးသန့်ရှင်းသွားတာဘဲ” ဤသို့ပြောရင်းပင် ကျွန်ုပ်၏မျက်နှာအား အသေအချာစေ့စေ့ကြည့်၍ တစ်ချက်မျှပြုံးလေ၏။ “အဖွားပြောမယ်ဝေလင်း . . . မှတ်ထားနော် . . . အဖွားတို့ကွမ်းတုံစကားပုံရှိတယ် . . . ရှေးပညာရှိတို့ရဲ့စကားက ဒီလိုကွဲ့ . . . လောကကြီးမှာ သခင်ဖြစ် ချင်တဲ့သူတွေဟာ . . . ကျွန်ခံဖူးပြီလားဟု . . . ပြန်မေးရတယ် . . . ဆရာဖြစ်ချင်တဲ့လူလည်း . . . အဲ့ဒီလိုဘဲ တပည့်ခံဖူး ခဲ့လား . . . ကိုယ့်မှာဆရာရှိလားလို့ . . ပြန်မေးရတယ်တဲ့”ဟုပင် တရုတ်ပညာရှိတို့၏ စကားပုံအား သက်ကြီးစကားသက်ငယ် ကြားဟူသကဲ့သို့ပင် ပြောပြလေ၏။ ထိုစကားကြားရခြင်းပင် ကျွန်ုပ်သည် လွန်စွာမှပင် မှတ်သားစရာပါလားဟု သတိပြု မိသည်။ ငါ့ဘ၀တစ်သက်လုံး ဘယ်တော့မှ အဖွားရဲ့စကားကို မမေ့စတမ်း မှတ်ထားမယ်ဟု ဆုံးဖြတ်လိုက်၏။ ထိုစကားလုံး တို့သည် အဖွား၏နှုတ်မှပင် ကျွန်ုပ်၏နား၊ ထိုမှတဆင့် ကျွန်ုပ်၏နှလုံးအိမ်အတွင်းသို့ နစ်၍နစ်၍ပင် ၀င်ရောက်သွားသကဲ့သို့ ခံစားလိုက်ရတော့၏။

ဆရာသမားဖြစ်သူတို့၏ မိခင်ကြီးဖြစ်သူ တရုတ်ကွမ်းတုံအဖွားကြီးမှာ ကျွန်ုပ်၏မျက်နှာအား သေချာစွာစေ့စေ့ကြည့်၍ နေ၏။ သူကျေနပ်အောင်ကြည့်နေသည်ဟု ကျွန်ုပ်ထင်ပါသည်။ ထို့နောက် ဤသို့ပြန်လည်ပြောလေ၏။ “ဝေလင်းက. . . အခု တပည့်လည်းခံဖူးပြီ . . . ဆရာရှိနေသည် . . . ကျွန်လည်းခံနေပြီ . . . အဲ့ဒီတော့ . . . မောင်ဝေလင်းကြီးလာရင် . . . ဆရာဖြစ်မှာ . . . သူတပါးရဲ့အရှင်သခင်ဖြစ်လာဖို့ရာက သေချာနေပြီ . . . ပိုက်ဆံကိုအမြဲချွေချွေတာတာသုံး . . . အကျီ အကောင်းမရှိရင်လည်း ဘာမှမဖြစ်ဘူး . . . သန့်ရှင်းရင်ရပြီ . . . ပိုက်ဆံကိုဘဲစု . . . အစားကောင်းမစားရလည်း ဘာမှ မဖြစ်ဘူး . . . ရောဂါမဖြစ်နိုင်လောက်တဲ့ အာဟာရပြည့်ဝရင်ပြီးတာဘဲ . . . ပိုက်ဆံကိုကောင်းကောင်းဆုတော့နော် . . . ဝေလင်းကို . . . ဒီနေ့ကစပြီး . . . ဓါတ်ပုံတစ်ပုံရိုက်တိုင်းရိုက်တိုင်း ရိုက်ခအကွက်စား ငါးမူးပေးဖို့ အဖွား မင်းတို့ဆရာကို …. ပြောလိုက်မယ်”ဟုဆိုလေ၏။ ဤသို့သောစကားကိုကြားရလျှင် ရုတ်တရက်တော့ စိတ်နှလုံးမှာ မည်သို့မျှ ထူးခြားစွာ ပြောင်းလဲမှုမရှိသော်လည်း ငါ ဒီနေ့ကစပြီး အကွက်စား ငါးမူးရပြီဟူသည့်အတွေးသည် ကျွန်ုပ်၏အသိစိတ်အာရုံတွင် ဖြေးဖြေးခြင်းနှင့် သိသိသာသာကြီးကိုပင် ဖုံးလွှမ်းသွားလေတော့၏။ ကျွန်ုပ်သည် ပျော်လာသလိုခံစားရ၏။ ကိုယ့်ကိုယ်ကို လည်း အခကြေးငွေကို ငါ့ပညာနဲ့ရင်းပင် ရှာနိုင်တဲ့လူတစ်ယောက်ဖြစ်ပြီဟူသည် စိတ်ကြီးမှာလည်း တပြိုင်တည်းဆိုသလိုပင် ၀င်လာလေတော့၏။

တစ်ရက်လျှင် ဖလင်တစ်လိပ်စာ ဓါတ်ပုံ ပုံ(၄၀)ရိုက်လျှင် ငွေ(၂၀)ရပြီ။ ဒါဆို ပုံ(၈၀)ရိုက်လျှင် ငွေ(၄၀)ရပြီဟူသော သင်္ချာဉာဏ်များလည်း ထွက်လာလေတော့၏။ ပုံ(၁၀၀)တစ်နေ့ မရရအောင်ရိုက်မယ်ကွာဟုဆိုသည့်စိတ်ဓါတ်မှာလည်း တပြိုင်တည်းဆိုသမှာလည်း ကျွန်ုပ်၏စိတ်အာရုံတွင် ရောက်ရှိလာတော့၏။ ထို့ကြောင့် ထိုနေ့မှစ၍ လားရှိုးမြို့ နန်းဟေ၀န် ဥယျာဉ်တွင် တစ်နေ့လုံး ဥယျာဉ်ကြီးတစ်ခုလုံး အထက်နှင့်အောက် ပြေးရင်းလွှားရင်းနှင့်ပင် တစ်နေ့ပုံ(၁၀၀)မရရအောင် ကြိုးစား၍ ရိုက်လေတော့၏။ ထို့ကြောင့်ပင် တစ်နေ့လျှင် ငွေကျပ်(၅၀)ရ၏။ ထိုစဉ်ကာလတွင် မြန်မာနိုင်ငံကြီးသည် တစ်နေ့ ထက်တစ်နေ့ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့မှ တည်ဆောက်ပြုပြင်မှုများကို နိုင်ငံနှင့်အ၀န်းကိုပင် ကြီးကျယ်စွာပြုလုပ်လျှက်ရှိနေသော အချိန်ကာလတစ်ခုပင်ဖြစ်နေပြီဖြစ်၏။ နိုင်ငံသားများလည်း ယခင် ဆိုရှယ်လစ်ခေတ်နှင့် ယှဉ်လျှင် တဆတဆခေတ်မှီ၍လာတော့၏။ မြန်မာ့ဒီမိုကရေစီ နိုင်ငံရေးအပြောင်းအလဲပေါ်တွင် နိုင်ငံသားများ၏ စိတ်ဝင်စား မှုကြောင့် နိုင်ငံခြားသတင်းများကို တရုတ်ရေဒီယိုများကိုင်ဆောင်၍ အမျိုးသားအများစုတို့သည် နားထောင်ကြလေ၏။ ထို့ကြောင့် နိုင်ငံတကာ ဗဟုသုတများလည်း ဖြည်းဖြည်းခြင်းနှင့်ပင် တိုးတက်လာကြလေတော့၏။

အမျိုးသမီးများ . . . အထူးအားဖြင့် . . . မိန်းမပျိုများလည်း သိသိသာသာပင် ခေတ်ဆန်လာကြလေတော့၏။ မြန်မာပြည်၏ မြို့ကြီးများတွင်လည်း စင်တင်တေးဂီတများ၊ ကာရာအိုအေဆိုင်များ၊ စားတော်ဆက်ကြီးများလည်း အပြိုင်အဆိုင်ပင် ပေါ်ထွက်၍လာနေပြီဖြစ်၏။ မြန်မာပြည်ကြီးသည် ဈေးကွက်စီးပွားရေးစီမံကိန်းဟုအမည်တပ်၍ စီးပွားရေး တံခါးဖွင့်ပြီး နိုင်ငံတကာနှင့်ဆက်ဆံပြီး နိုင်ငံတော်စီးပွားရေးရော၊ ပုဂ္ဂလိကစီးပွားရေးများပါ ပြုလုပ်နေကြပြီဖြစ်၏။ ထို့ကြောင့် ပင်နေ့စဉ်နှင့်အမျှ ကျွန်ုပ်ထံတွင် လွန်စွာမှ ခေတ်မီသယောင်ဆောင်နေကြသော မိန်းမပျိုအများအပြားမှာ ဟိုအ၀တ်အစားနှင့် တမျိုး ဒီအ၀တ်အစားနှင့်တဖုံ ဆိုသလိုပင် ထပ်ကာထပ်ကာလာ၍ အလှဓါတ်ပုံများ ရိုက်ကူးကြလေ၏။

ကျွန်ုပ်၏ဆရာဖြစ်သူ ကိုကျော်သက်မှာ ကျွန်ုပ်အား ဓါတ်ပုံပညာနှင့်ပတ်သက်၍ မှတ်သားဖွယ်ရာစကားတစ်ခွန်းကို ဤသို့ဆိုလေ၏။ “ဝေလင်း … မင်းဓါတ်ပုံကင်မရာမင်းလောကမှာ နာမည်ကြီးတဲ့ဓါတ်ပုံဆရာတစ်ယောက်ဖြစ်ချင်ရင် ဘယ်တော့မှနေပြောင်းပြန်မရိုက်နဲ့”ဟု ဓါတ်ပုံဆရာတိုင်းအတွက် အဖိုးမဖြတ်နိုင်သောစကားအား ဆိုလေ၏။ ကျွန်ုပ်သည် ထိုစကား အမြဲမှတ်ထား၏။ အကယ်၍များ ဓါတ်ပုံအရိုက်ခံမည့်သူက နေပြောင်းပြန်တွင်ရှိသော ရှုခင်းတစ်ခုကို နောက်ခံထားပြီးရိုက်ချင်တယ်၊ ရိုက်ပေးပါ ဟုပြောလျှင် ကျွန်ုပ်အနေနှင့် ဘယ်တော့မျှမရိုက်ပေး . . . သို့သော်လည်း စကားကိုနားထောင်ကောင်းအောင် ပြေလည်ရာ ပြေလည်ကြောင်းပြောလေ၏။ ဒီအချိန်မှာ နေကပြောင်းပြန်ကြီးဖြစ်နေတော့ ဒီရှုခင်းကို နောက်ခံထားပြီး ရိုက်လိုက်လျှင် ပုံထွက်ကောင်းမှာမဟုတ်ဘူး . . . လက်ရှိအချိန် Lighting နှင့် လိုက်လျှောညီထွေမှုရှိသော ရှုခင်းနှင့်ရိုက်ထားသောပုံများကို ထုတ်ပြပြီးလျှင် နေနှင့်ဆန့်ကျင်ဘက် ရှုခင်းများကိုရှောင်၍ပင် အမြဲပင်ရိုက်ကူးခဲ့၏။ ထို့ကြောင့် ကျွန်ုပ်ရိုက်ခဲ့သောပုံမှန်သမျှ မကောင်းဟူ၍ ဘယ်တော့မျှမရှိ . . .။ ပန်းခြံထဲက ချာတိတ်ကလေး ဓါတ်ပုံရိုက်တာ တကယ်ကောင်းတယ် . . . ဟူသည့် သတင်းမှာလည်း မတော်ပင်ပျံ့နှံ့သွားပြီဖြစ်၏။

ထို့ကြောင့် အကွက်စားရပြီး တစ်လခန့်အကြာမှာပင် ကျွန်ုပ်သည် တစ်နေ့ ဖလင်သုံးလိပ် ပုံ(၁၂၀)အနည်းဆုံးထား၍ပင် ရိုက်ခဲ့ရလေတော့၏။ ပွဲတော်ရက်များ၊ ရုံးပိတ်ရက်များဆို ဖလင်(၅)လိပ်မှ(၆) လိပ်အထိ ရိုက်ရလေတော့၏။ ထိုအချိန်မှာဘဲ ကျွန်ုပ်၏ဘ၀ပညာ ၊ အတတ်ပညာ၊ အသက်မွေးဝမ်းကြောင်းပညာ ဆရာသခင်များဖြစ်သည့် ဦးကျော်ကြီးနှင့် ဦးကျော်သက်တို့မှ ကျွန်ုပ်အား အကွက်စား ငါးမူးမှ (၁)ကျပ်တို့ တိုး၍ပေးလိုက် လေတော့၏။ ထို့ကြောင့်ပင် ထိုစဉ်ကာလမှာ ကျွန်ုပ်၏တစ်နေ့ဝင်ငွေလျှင် ပျှမ်းမျှ(၂၀၀ိ/)ရပြီး တစ်လလျှင် (၆၀၀၀ိ/)၀င်ငွေရှိသူ တစ်ဦး၊ တစ်နှစ်လျှင် ၀င်ငွေ(၇၂၀၀၀ိ/)ရှာနိုင်သူတစ်ဦး ဖြစ်သွားလေတော့၏။

ထိုစဉ်ကာလမှ အစိုးရဌာနမှ အရာရှိကြီးတစ်ဦး၏ လစာမှာပင် တစ်လလျှင် (၇၀၀ိ/)မျှသာ ရ၏။ တစ်နှစ်လျှင် အရာရှိ တစ်ဦးဝင်ငွေမှာ (၁၄၀၀၀ိ/)ပင်ရှိ၏။ ထိုအတွက်ကြောင့် ထိုစဉ်အချိန်တွင် ကျွန်ုပ်ဝင်ငွေအားပြောပြလျှင် မည်သူမျှမယုံနိုင် လောက်အောင် ဖြစ်ကြလေတော့၏။ အသက်အရွယ်သည် အလွန်အမင်း ငယ်ရွယ်လွန်းလှသောကြောင့်လည်းကောင်း၊ ဘ၀ အတွေ့အကြုံရင့်ကျက်မှုမရှိခြင်းကြောင့်လည်းကောင်း၊ မိဘများ၏ မျက်ကွယ်တွင် နေထိုင်လုပ်ကိုင်နေရသောအချိန်သည် များပြားလွန်းလှသောကြောင့်လည်းကောင်း၊ ကျွန်ုပ်၏ ဘ၀သည် မသိမသာနှင့်ပင် တဆတဆ ပျက်စီးစပြု၍လာတော့၏။

ညနေနေ၀င်ချိန်သို့ရောက်လျှင် ဗူးဘီယာ(၁)ဗူးခန့် သောက်တတ်လာ၏။ စီးကရက်ကိုလည်း ထိုစဉ်ကာလက အကောင်းဆုံ၊ ဈေးအကြီးဆုံးဖြစ်သည့် International 555 ကို ဗူးလိုက်ဝယ်၍သောက်လေတော့၏။ အပေါင်းအသင်းမှာ လည်း လွန်စွာမှ များပြားလာနေပြီဖြစ်၏။ ထိုအပေါင်းအသင်းများမှာလည်း ကျွန်ုပ်ထက် အသက်အရွယ်ကြီးရင့်သူများသာ ဖြစ်ကြလေတော့၏။ ၄င်းတို့အားလုံးသည် ကျွန်ုပ်ကိုခေါ်လျှင် ချာတိတ်ဟုပင် ကင်ပွန်းတပ်ခေါ်ဝေါ်ကြလေ၏။ ဤသို့ပင် ခေါ်ဝေါ်သူများပြားလာသောကြောင့် ကျွန်ုပ်၏အမည်ရင်းမှာ ကျွန်ုပ်ဆရာများနှင့်မိဘများသာ ခေါ်ဖို့အတွက်ပင် မှည့်တွင်ထားသလိုသာ ဖြစ်ခဲ့လေတော့သတည်း။

ဆက်လက်ဖော်ပြပါဦးမည် . . . ။


မေတ္တာအနန္တဖြင့်
အောင်ကောင်းမွန်(လားရှိုး)

“သုံးဘ၀သစ္စာ” အချစ်နှင့်ဘ၀ဂမ္ဘီရအခန်းဆက်ဝတ္ထုရှည်ကြီး   အောင်ကောင်းမွန်(လားရှိုး)

                                                            အခန်း(၃)
                                             “မမေ့နိုင်သောဘ၀၏မှတ်စု”

လားရှိုးနန်းဟေ၀န်ပန်းခြံထဲက ဓါတ်ပုံဆရာချာတိတ်ဆိုလျှင် မသိသူမရှိအောင်ပင် လူငယ်တို့၏နှုတ်ဖျားတွင် ဖြစ်နေ လေတော့၏။ စီးကရက်သောက်ခြင်း၊ ညနေတွင် ဘီယာသောက်ခြင်းများ ပြုနေသော်လည်း အလုပ်ကိုတော့ အပျက်အစီး လုံးဝမခံပေ။ ဓါတ်ပုံရိုက်နှုန်းသည် တစ်ရက်ထက်တစ်ရက် အရေအတွက်ကျသည်ဟူ၍မရှိ . . . တိုး၍တိုး၍သာနေလေတော့ ၏။ ထို့ကြောင့်ပင် ကျွန်ုပ်၏ဆရာများဖြစ်ကြသူများလည်း ကျွန်ုပ်အပေါ်တွင် စိတ်ချမြဲချနေကြ၏။ နေ့စဉ် ကျွန်ုပ်သည် နံနက် (၅း၃၀)နာရီအချိန်တွင် ဆရာများအိမ်သို့အရောက်သွားပြီးလျှင် လုပ်စရာရှိသည်များလုပ်၍ လားရှိုးဈေးကြီး အတွင်းတွင်ရှိသော ဓါတ်ပုံဆိုင်အားဖွင့်ပေးရ၏။ ဆိုင်ဖွင့်ပြီးလျှင် ယခင်နေ့က ကျွန်ုပ်ရိုက်ခဲ့သောဓါတ်ပုံများကိုစီရ၏။ ဖလင်နှင့်ဓါတ်ပုံတွဲ၍ ပလပ် စတစ်အိတ်အတွင်းသို့ထည့်ရ၏။ ထိုအိတ်၏နောက်ကြောတွင် ဆော့ပင်နှင့် ဘောက်ချာ စာအုပ်တွင်းမှ ဓါတ်ပုံစာရင်းအတိုင်း စရံငွေ၊ ကျန်ငွေများရေးရ၏။

ဤသို့ နေ့စဉ်ပုံများစီပြီးချိန်သည် နံနက် (၇း၃၀)နာရီအချိန်ခန့်ပင်သာဖြစ်၏။ ထိုအချိန်တွင် ခေတ္တမျှနားပြီး ဆရာများထံခွင့်တောင်းကာ နံနက်စာကို ထွက်၍စားတတ် ၏။ ကျွန်ုပ် နံနက်စာစားပြီး ဆိုင်သို့ပြန်ရောက်ချိန်တွင်မှာတော့ ကျွန်ုပ်နှင့်အတူ ပန်းခြံတွင်းတွင် ဓါတ်ပုံရိုက်သူ ကင်မရာမင်း နှစ်ဦးမှာ ရှေ့ဆင့်နောက်ဆင့်ဆိုသလို ရောက်လာကြတတ်မြဲဖြစ်၏။ ၄င်းတို့နှစ်ဦးမှာ ကပျာကယျာနှင့်ပင် ဓါတ်ပုံစီကြ၏။ ဆရာကြီးဖြစ်သူမှာ ၄င်းတို့နှစ်ဦးအား မကြာမကြာပင်

“မင်းတို့နှစ်ယောက် . . . မနက်ခပ်စောစောလေးလည်း လာကြဦးလေ ကွာ . . . အခုဟာက မင်းတို့က . . . တစ်ရက်လည်းမဟုတ် . . . နှစ်ရက်လည်းမဟုတ် . . . နေ့တိုင်း ဒီလိုဘဲ . . . နောက်ကျလာပြီးရင် ပျာပျာ . . ပျာပျာနဲ့လုပ်ကြ . . . မင်းတို့အိမ်မှာ ဘာတွေများလုပ်စရာရှိလို့လဲကွာ . . . မင်းတို့တွေက … မင်းတို့ထက် အသက်အရွယ်အများကြီးငယ်တဲ့သူတွေအလုပ်လုပ်နေကြတာကိုကြည့်ပြီးအားနာကြပါဦး”ဟုပြောကာ ၄င်းတို့နှစ်ဦးအား ကျွန်ုပ်နှင့်ပင် အစဉ်ခိုင်းနှိုင်း၍ပြောလေ၏။

ထို့ကြောင့် ၄င်းတို့နှစ်ဦးမှာ ကျွန်ုပ်အား လွန်စာမှမုန်းကြ၏။ ကျွန်ုပ်မကောင်းကြောင်းများအား ဟုတ်သည်ဖြစ်စေ . . . မဟုတ်သည်ဖြစ်စေ အစဉ်ပိုပိုသာသာနှင့်ပင် ကျွန်ုပ်မရှိချိန်၌ ဆရာသမားများဖြစ်သူတို့ထံ တိုင်ကြားတတ်ကြလေ၏။ ဤသို့ တိုင်ကြားနေခြင်းကို ကျွန်ုပ်နှင့်ပညာသင်ဘက် စံမောင်ဆိုသူမှ ကျွန်ုပ်အား အစဉ်ပြန်၍ ပြောပြသောကြောင့် ကျွန်ုပ်မှာ ကောင်းစွာသိရလေ၏။ မည်သူက ကျွန်ုပ်၏အကြောင်း မည်သို့ပင်ပြောသည်ဖြစ်စေ ကျွန်ုပ်ဆရာသမားများ မျက်နှာရိပ် မျက်နှာကဲကို အစဉ် ကြည့်ရှု သတိပြုတတ်သူ ကျွန်ုပ်အတွက်တော့ လုပ်စရာရှိသည်များကို မှန်မှန်လုပ်မြဲအတိုင်းသာ လုပ်နေ လေတော့၏။

တစ်နေ့တွင် . . . ကျွန်ုပ်သည် ပန်းခြံသို့ ဓါတ်ပုံရိုက်ရန်သွား၏။ တခါတရံတွင် သုံးဦး အတူသွား၏။ ထိုနေ့သည် တစ်ဦးတည်း သွားသည့်နေ့ဖြစ်၏။ ပန်းခြံကြီးတစ်ခုလုံးသည် လုံခြုံရေးစစ်သားများနှင့် ကာရံထားသည်ကိုတွေ့ရ၏။ ရုတ်တရက်ဆိုသလို ကျွန်ုပ်သည် ဘာဖြစ်လို့ဖြစ်သည်မသိ အံ့အားသင့်၍သွားမိ၏။ မည်သို့ပင်ဖြစ်စေ ကျွန်ုပ်မှာ ကင်မရာ လည်းလွယ်ထားသလို ပန်းခြံအတွင်း တာဝန်ရှိသူဖြစ်၍ အ၀င်ဂိတ်တွင် အကျိုးအကြောင်းပြော၍၀င်မည်ဟုဆုံးဖြတ်ပြီး တစ်ဦးတည်း ဆက်လျှောက်လာခဲ့၏။ ဂိတ်ဝအရောက်တွင် စည်ပင်ဝန်ထမ်းတစ်ဦးနှင့်တွေ့၍ ၄င်းမှာ “ဟာ . . . ချာတိတ် … မင်းတစ်ယောက်တည်းလာတာလား . . . ဒီနေ့”ဟု ပြောဆိုကာ ကျွန်ုပ်အား ဂိတ်ဝမှ အတွင်းသို့ခေါ်ဆောင်သွား၏။

ပန်းခြံတွင်းသို့ရောက်လျှင် ၄င်းစည်ပင်ဝန်ထမ်းဖြစ်သူ ကိုရင်ထွန်းအား ကျွန်ုပ်မှ မည်သို့ဖြစ်တာလည်းဟု မျက်နှာရိပ် မျက်နှာကဲခတ်၍ မေးကြည့်လိုက်၏။ “ချာတိတ်ရာ . . . မင်းမသိဘူးလား . . . ဒီနေ့ ပန်းခြံအောက်က နန်းဟေ၀န် ရေကူးကန်ဖွင့်ပွဲလေကွာ . . . အဲ့ဒါ တိုင်းမှူးလာမယ်လေ . . . ဒီနေ့တော့ မင်းပန်းခြံထဲမှာ . . . တစ်ယောက်တည်း အေးအေးဆေးဆေး လမ်းသာလျှောက်နေတော့ . . . ဓါတ်ပုံလည်း ဘယ်သူမှရိုက်မှာမဟုတ်ဘူး . . . တိုင်းမှူး ရေကူးကန်မှာ ရှိနေသ၍ ဒီပန်းခြံထဲကိုလည်း ဘယ်သူမှလည်း လုံခြုံရေးအရ ၀င်ရမှာမဟုတ်ဘူး”ဟုပင် အားပေးစကားပြော၍ စည်ပင်ရုံး ဘက်သို့ ထွက်သွားလေ၏။ ကျွန်ုပ်လည်း ဘာလုပ်လို့ လုပ်ရမှန်းမသိဖြစ်၍ ကင်မရာလွယ်ရင်းနှင့်ပင် ပန်းခြံတွင်း တစ်ဦးတည်း ခြေဦးတည့်ရာလျှောက်သွားလေ၏။ ပြီးလျှင် ထိုနေ့ဖွင့်ပွဲပြုလုပ်မည့် ရေကူးကန်ရှိရာနှင့်အနီးတွင်ရှိလေသော ရေပန်းအလှကန်နံဘေးတွင် တစ်ဦးတည်းထိုင်ရင်းပင် ဟိုတွေးဒီတွေး တွေးနေမိတော့၏။

များမကြာမီမှာပင် အရှေ့မြောက်တိုင်းစစ်ဌာနချုပ်တိုင်းမှူးကြီးသည် နန်းဟေ၀န်ဥယျာဉ် ရေကူးကန်ဖွင့်ပွဲအခမ်း အနားသို့ ရောက်ရှိလို့လာလေ၏။ ရောက်ရောက်ချင်းမှာပင် နန်းဟေ၀န်ဥယျာဉ် ရေကူးကန်အဖွင့်ဆိုင်းဘုတ်ရှေ့တွင် မိုးပျံ ဗူဖောင်းများဖြင့် ဖဲကြိုးကိုဖြတ်၍ ဖွင့်လှစ်ပေးပြီး ရေကူးကန်အတွင်း ဟိုဟိုဒီဒီလမ်းလျှောက်၍ကြည့်လေ၏။ ကျွန်ုပ်မှာလည်း ပန်းခြံတွင်းရှိ ရေပန်းတည်ရှိရာနှင့်ဆိုလျှင် ခြံစည်းရိုးသာခြားထားသည်ဖြစ်သောကြောင့် အခမ်းအနားဖွင့်လှစ်မှုများကို အသေးစိတ်တွေ့ရှိနေရ၏။ ၄င်းရေကူးကန်အား ကန်ထရိုက်ယူ၍ ဆောက်လုပ်သူလည်းဖြစ်၊ ထိုအချိန်ကာလတွင် ၄င်းရေကူး ကန်ကိုဘဲ တစ်နှစ်ကန်ထရိုက်ယူသူလည်းဖြစ်သူ လားရှိုးမြို့၏ မြို့မျက်နှာဖုံး ဦးဝင်းဟောင်ဆိုသူမှာ ၄င်းရေကူးကန် ခြံစည်းရိုးနားသို့လာ၍ ကျွန်ုပ်ဘက်သို့လှည့်ကာ လက်ယက်ခေါ်လေ၏။ ကျွန်ုပ်အနေနှင့်လည်း မည်သူ့ကိုခေါ်နေတာလည်း မည်သူမှမရှိသောကြောင့် ကျွန်ုပ်ကိုသာခေါ်နေကြောင်းကိုမူ သတိထားမိတော့၏။ ထို့ကြောင့် ကျွန်ုပ်မှ လက်ဟန်ခြေဟန်နှင့် ကျွန်ုပ်ကိုခေါ်တာလားဟုမေးရာတွင် ၄င်းကန်ထရိုက်ကြီးမှ ခေါင်းညိတ်ပြပြီး အမြန်လာဆိုသကဲ့သို့သော အမူအရာနှင့် ထပ်မှန်လက်ယက်ခေါ်နေပြန်၏။ ထို့ကြောင့် ကျွန်ုပ်လည်း ခပ်သွက်သွက်လျှောက်၍ ပန်းခြံမှထွက်ပြီး၊ တဖက် ရေကူးကန် ဖက်တံခါးမှဝင်မည်အပြုတွင် ၄င်းကန်ထရိုက်ကြီးမှာ စိတ်မရှည်သောအမူအရာဖြင့်ပင်အော်၍ပြောလေတော့၏။ “ဟာ . . . ကောင်လေး . . . ဒီခြံစည်းရိုးနှစ်ခုကြားက မင်းရအောင်ဝင်လာခဲ့ . . . အချိန်မရှိဘူး”ဟုဆို၏။ ထို့ကြောင့် ကျွန်ုပ်လည်း ခြံစည်းရိုးခွေးတိုးပေါက်မှပင် အပြေးဝင်သွားရတော့၏။

ကျွန်ုပ်အား ဓါတ်ပုံမှတ်တမ်းရိုက်ခိုင်းတော့မည်ဆိုသည်ကိုလည်း ကောင်းစွာသဘောပေါက်ပြီဖြစ်၏။ သို့သော်လည်း တိုင်းမှူးအား ရိုက်ခိုင်းမည်ဟုတော့မထင်မိပေ။ အဘယ်ကြောင့်ဆိုသော် ကျွန်ုပ်၏အသက်အရွယ်မှာ ထိုစဉ်က (၁၂)နှစ်ကျော်မျှသာရှိသာ ကလေးတစ်ယောက်ဖြစ်နေခြင်းကြောင့်ဖြစ်၏။ ကျွန်ုပ်က တိုင်းမှူးအား ဓါတ်ပုံရိုက်ပေးရဲလို့ ရိုက်ပေးသည်ဘဲထားဦး၊ တိုင်းမှူးကြီးနှင့်အတူပါဝင်နေသောလူကြီးများမှာ မည်သည့်နည်း နှင့်မျှလက်ခံမည်မဟုတ်ဟု ကျွန်ုပ်ထင်မှတ်ထား၏။ သို့သော်လည်း ကျွန်ုပ်အထင်မှာ ထိုစဉ်က အလွဲကြီးလွဲသွားတော့၏။ ကန်ထရိုက်ကြီး ဦးဝင်းဟောင်မှာ ကျွန်ုပ်အား “တိုင်းမှူးကို မင်းရိုက်ပေးရဲလား . . . ဓါတ်ပုံပြောတာ”ဟု ရှုတုတု နောက် တောက်တောက်မေး၏။ ကျွန်ုပ်မှ “ဦးလေးကလည်း . . . မနောက်ပါနဲ့ . . . တိုင်းမှူးကလက်ခံမယ်ဆို ကျွန်တော်ရိုက်မယ်” ဟုပင်ပြောလိုက်၏။ ထိုအခါ ကန်ထရိုက်ကြီးဦးဝင်းဟောင်မှာ မည်သည့်စကားမှမပြောတော့ဘဲ ကျွန်ုပ်လက်ကိုဆွဲသွားပြီး ရေကူးကန်နံဘေးရှိ တိုင်းမှူးကြီးနှင့် အထူးဧည့်သည်များရှိရာသို့ခေါ်သွားတော့၏။ ကျွန်ုပ်မှာ ဆရာသမားများ၏ ဆုံးမစကား ကို သတိထား၍ ဂရုပြုတော့၏။ နေပြောင်းပြန်မရိုက်ရ၊ ရိုက်ခါနီးတွင် အာပါချာနှင့် စပစ်(Speed)ကို စစ်ရမယ်။ တစ်ပုံရိုက်ပြီးလို့ မောင်းတင်တိုင်း ဖလင်တက်မတက်စစ်ရမယ်။ ဖိုးကတ်(Focus)ကို အေးဆေးစွာနှင့်ပြတ်သားအောင်ချိန်၊ ဟူသည့် အချက်အား ဆင်ခြင်၍ ရိုက်ရန်ပြင်တော့၏။

ထိုအချိန် Lighting နေ အခြေအနေကိုကြည့်ရ၏။ နေရာရွေးရပြန်၏။ ထိုအချိန်မှာဘဲ ဦးဝင်းဟောင်မှာ တိုင်းမှူးကြီးအား အမှတ်တရဓါတ်ပုံ ရိုက်ရန်သွား၍ခေါ်လေ၏။ တိုင်းမှူးမှာ ကျွန်ုပ်အား မြင်လျှင် “ဦးဝင်းဟောင် . . . ခင်ဗျားဓါတ်ပုံဆရာက ကြီးလှချေလား”ဟုပြော၏။ ထိုစကားကြားကြရသူအပေါင်းမှာ ၀ါးကနဲပင် ပြိုင်တူရယ်မောကြလေ၏။ ကျွန်ုပ်မှာတော့ အနည်းငယ် ရှက်သွားမိ၏။ ဦးဝင်းဟောင်မှာ ကျွန်ုပ်ဘက်မှ ရပ်တည်၍ ထောက်ခံ စကားပြောလေ၏။ “ဒီကောင်လေး ဓါတ်ပုံရိုက်တာ သိပ်တော်တယ် . . . ကျွန်တော့အိမ်မှာ ဘာလုပ်လုပ် သူ့ကိုဘဲရိုက်ခိုင်း တာ”ဟု ၀င်၍ပြောလေ၏။

ကျွန်ုပ်လည်း အနည်းငယ် နေသာထိုင်သာရှိ၍သွားတော့၏။ ထို့နောက် စုပေါင်းပုံ (Group Photo)ရိုက်ရန်နေရာစီ ပေး၏။ ပြီးလျှင် ချိန်ကြည့်ရာတွင် လူအုပ်စုများသောကြောင့် ကင်မရာဖြင့်မဆန့်ဖြစ်နေ၏။ အဲ့ဒီ နန်းဟေ၀န် ရေကူးကန်နံဘေးမှာဘဲ အရှေ့မြောက်တိုင်းစစ်ဌာနချုပ်တိုင်းမှူးကြီးနှင့် ကြွရောက်လာသော ဌာနဆိုင်ရာအကြီးအကဲ၊ မြို့မိမြို့ဖတို့ စုပေါင်းဓါတ်ပုံရိုက်ကူးပေးခဲ့ရပါတယ်။ ဓါတ်ပုံတိုင်းစေ့ကို ကျွန်တော် မရိုက်ခင်တစ်ခါ၊ ရိုက်ပြီးတစ်ခါ အသေအချာစစ်ဆေးပြီး သတိနဲ့ရိုက်ကူးခဲ့လို့ ပုံထွက်ကောင်းမယ်ဆိုတာ ယုံကြည်စိတ်ချခဲ့ပါတယ်။

ဒါပေမဲ့လို့ စုပေါင်းပုံထဲမှာ လူအများဆုံးဖြစ်တဲ့ ပုံတစ်ပုံကိုတော့ ကျွန်တော်စိတ်အနည်းငယ် ဇနိုးဇနောက်ဖြစ်ခဲ့ရတယ်။ ဘာကြောင့်လည်းဆိုတော့ ထိုစဉ်အချိန်ကာလ ဓါတ်ပုံကင်မရာမှန်သမျှဟာ ဖလင်နဲ့ရိုက်ရတဲ့ ကင်မရာတွေကြီးဘဲဖြစ်ပါတယ်။ ယခုအချိန်ကာလကြီးလို Digital Camera မပေါ်သေးပါ။ ယခုအချိန် ကင်မရာတွေလို wide နဲ့ Zoom ကလည်း မပါသေးပါ။ ပုံတစ်ပုံ ရိုက်တော့မယ် ဆို ရိုက်တဲ့ကင်မရာမင်းကဖြစ်စေ၊ အရိုက်ခံတဲ့သူကဖြစ်စေ ရှေ့တိုးနောက်ငင်ပြုပြီး အကွာအဝေး အနေတော်ဖြစ်အောင် တိုင်းထွာရိုက်ကူးရတဲ့ခေတ်ကာလဖြစ်ပါတယ်။ အဲ့ဒီမှာ လူအုပ်စုသိပ်များတော့ ကင်မရာနဲ့မဆန့် ဖြစ်နေပါတယ်။ ကျွန်တော့အနေနဲ့လည်း နောက်ကိုထပ်ဆုတ်လို့မရတော့တဲ့အခြေအနေပါ။ နောက်မှာ အုတ်နံရံသာရှိပါတော့သည်ဖြစ်ပြီး စုပေါင်းပုံရိုက်ခံနေသော တိုင်းမှူးကြီးနှင့် လူကြီးများမှာလည်း ဘယ်လိုမှ နောက်ထပ်ဆုတ်လို့မရတော့ပါ။ နောက်တွင် ရေကူးကန်သာရှိပါတော့သည်။

ယခုခေတ်ကာလကြီးလို ပုံ(၂)ပုံပြန်ဆက်နိုင်သည့် (Digital Photoshop Software) များလည်း ထိုစဉ်တွင် ဘယ်နားရောက် နေမှန်းကိုမသိရသေးပါ။ ထို့အတွက်ကြောင့်ပင် ကျွန်ုပ်မှာ အလွန်အခက်အခဲ ကြုံတွေ့ခဲ့ရပါသေးသည်။ သို့သော်လည်း ရိုက်နေဆဲ ကင်မရာမြင်ကွင်းနှင့် ပုံထွက်ဟာ အနည်းငယ်ကွာကြောင်းကို ကျွန်ုပ်စစ်ဆေး ထားသည်များရှိကြောင်း၊ ထိုစစ်ဆေးချက်များ၏ကွာဟချက်ကိုလည်း ကျွန်ုပ်အနည်းစပ်ဆုံး မှတ်ထားသော ကြောင့် ဒီပုံ ဆန့်ကိုဆန့်ရမည်ဟု အရဲစွန့်၍ ရိုက်ချလိုက်ပါတော့သည်။

ထိုစဉ်အချိန်တွင် ကျွန်ုပ်တို့ရိုက်ကူးပြီးဖလင်များကို ဆရာ ဖြစ်သူထံတွင် ညနေ(၄း၀၀)နာရီအရောက်သွား၍ ပို့ပေးရပါသည်။ သို့မှသာ ထိုပုံများ နောက်တစ်နေ့နံနက်အချိန်တွင် ပုံထွက် မည်ဖြစ်သောကြောင့်ဖြစ်၏။ ညနေ(၄း၃၀)နာရီတိတိတွင် ကျွန်ုပ်၏ဆရာသမားဖြစ်သူမှာ ဖလင်ဆေးသည့်အလုပ်ကိုပြုလုပ်ပါ တယ်။ ထိုဖလင်များဆေးပြီး အခြောက်ခံ၍ ည(၇း၀၀)နာရီမှစ၍ ကူးခြင်းဖြစ်ပါတယ်။ ထို့အတွက်ကြောင့် ကျွန်ုပ်တို့ အကွက်စားရိုက်နေကြသော ကင်မရာမင်းအားလုံးဟာ နောက်တနေ့ လာယူမည့်ပုံများရှိသည့် ဖလင်လိတ်မှန်သမျှကို ထိုနေ့ ညနေ(၄း၃၀)နာရီအရောက် ဆရာများထံသို့ ပို့ပေးရပါသည်။

ထိုနေ့တွင် ကျွန်ုပ်သည် တိုင်းမှူးကြီး အခမ်းအနားဖွင့်လှစ်မှုစုပေါင်းပုံပါ ဖလင်လိတ်ကို ပုံထွက်သည်အထိမစောင့်၊ ဖလင်ဆေးပြီး ဖလင်ပေါ်တွင် ရိုက်ကူးပုံဖော်မှု အခြေအနေကိုသိရှိနိုင်အောင်ကိုပင် ဖလင်ဆေးပြီးချိန်အထိ အမှောင်ခန်း အပြင်တွင်စောင့်နေမည်ဟုဆုံးဖြတ်၍ တစ်ဦးတည်း အိမ်ရှေ့ လိမ္မော်ပင်အောက်ရှိ ဒါန်းကုလားထိုင်တွင်ထိုင်၍စောင့်နေတော့ ၏။ တခဏမျှစောင့်နေပြီးလျှင် ကျွန်ုပ်ဆရာသမားတစ်ဦးသည် ထွက်၍လာ၏။ ကျွန်ုပ်စောင့်နေသည်ကို မြင်လျှင် “ဝေလင်း… မင်းပန်းခြံပြန်မသွားဘဲ . . . ဒီမှာဘာလုပ်နေလည်း”ဟုမေးလေ၏။ ကျွန်ုပ်လည်းဘာပြန်ပြောရမှန်းမသိ၍ အဆင်ပြေသလို ပြောမယ်ဟုဆုံးဖြတ်ပြီး “ကျွန်တော်အခုဆေးတဲ့ပုံတွေထဲမှာ ထပ်ကူးပုံပါလို့ . . . အဲ့ဒီထပ်ကူးပုံတွေလည်း မနက်ဖြန်ယူဖို့ ချိန်းထားပြီးဖြစ်လို့ ဖလင်မှတ်ဖို့စောင့်နေတာပါခင်ဗျား”ဟုပင် လိမ်လိုက်မိ၏။ သို့သော်လည်း ဆရာဖြစ်သူက ပြုံး၍ “မင်း . . . လာလိမ်မနေနဲ့ . . . တိုင်းမှူးကိုရိုက်ထားတဲ့ပုံတွေကောင်းမကောင်း မင်းသိချင်လို့ စောင့်နေတာမလား”ဟုပြောလေ၏။ ထို့ ကြောင့် ကျွန်ုပ်လည်း ဘာမျှပြန်မပြောနိုင်တော့၍ ဘာမှမပြောတော့ဘဲ ခေါင်းသာညိမ့်ပြလိုက်တော့၏။ ဆရာဖြစ်သူမှ “သွား မင်း . . . ပန်းခြံပြန်တော့ . . . ငါဖလင်ဆေးပြီးရင် မင်းကိုလာပြောမယ်”ဟု ကျွန်ုပ်အား ပန်းခြံသို့အတင်းပြန်လွှတ်တော့၏။

ကျွန်ုပ်ပန်းခြံရောက်ပြီး ညသာမှောင်သွား၏။ ကျွန်ုပ်ဆရာဖြစ်သူရော မည်သူမျှပါ ဆရာထံမှ သတင်းစကားလာပြော သည်ဟူ၍ မရှိခဲ့ပါ။ ထို့ကြောင့် ကျွန်ုပ်လည်း လွန်စွာပင်စိတ်ပူသွားတော့၏။ ည(၇း၃၀)နာရီအချိန်တွင် ကျွန်ုပ်ပန်းခြံမှ ဆရာ များအိမ်သို့သွား၍ ကင်မရာအပ်၏။ ပြီးလျှင် ကျွန်ုပ်ဆရာများအမှောင်ခန်းမှ ကျွန်ုပ်ရောက်နေကြောင်းကြားနိုင်ရန်အသံပေး၏။ ခေါ်ဝံခြင်းမပြုရဲသောကြောင့်သာ ဤသို့အသံပေးခြင်းဖြစ်ပါသည်။ တခဏတွင် ကျွန်ုပ်ဆရာ ကိုကျော်သက်ဆိုသူသည် ထွက်၍လာလေ၏။ ကျွန်ုပ်ကိုမြင်လျှင် မျက်နှာပျက်သွား၏။ ကျွန်ုပ်သည် အလွန်အမင်းစိတ်ပူ၍သွား၏။ ဒူးများပင်တုန်လာ တော့၏။ အသံပင်မထွက်နိုင်အောင် စိတ်လှုပ်ရှားမှုလွန်ကဲရတော့၏။ ကျွန်ုပ်သည် ကြိုးစား၍ ဆရာသမားကို မေးမည်အပြု တွင် “ဝေလင်း . . . မင်းဓါတ်ပုံရိုက်တာလည်း တစ်နှစ်ပြည့်တော့မယ် . . . အခုထိ ပုံတွေက ရိုက်တာ အထူအပါးမညီဘူး”ဟု ဆို၏။ ကျွန်ုပ်သည် တိုင်းမှူးပုံတွေ ကူးလို့ရလားဟုမေးမည်အပြုတွင် ဆရာဖြစ်သူမှ “တိုင်းမှူးပုံတွေဆို လုံးဝကူးလို့မရဘူး”ဟု ပြောလေတော့၏။

ထိုစကားကြားရလျှင် ကျွန်ုပ်လည်း စိတ်ဓါတ်အကြီးအကျယ် ကျသွားတော့၏။ “ဟား . . . ဒါဆို ဘယ်လိုလုပ်မ လည်း . . . ဘယ်လိုပြောရမလည်း . . . ထိန်းပြီးကူးလို့မရဘူးလား . . . ဆရာ”ဟု ပြန်၍မေးမိ၏။ “မရဘူးကွာ . . . ဘယ်လို မှ မရဘူး”ဟု ဆိုလေ၏။ ဆရာဖြစ်သူသည် ကျွန်ုပ်အားသေချာကြည့်၍ “ဝေလင်း . . . မင်းကြောက်နေတာလား . . . ဒူးတွေ တုန်နေတယ် ဟုတ်လား”ဟုဆို၍ ကျွန်ုပ်ဒူးများအား ကိုင်ကြည့်၏။ အမှန်ပင် ကျွန်ုပ်၏ဒူးများတုန်နေလေ၏။ ကျွန်ုပ်၏ဆရာမှ “မင်းမကြောက်ပါနဲ့ . . .တာဝန်ရှိသူကို ငါတို့ဖုန်းဆက်ပြောထားပြီးပြီ . . . သူတို့ မင်းကို အပြစ်တင်မှာမဟုတ်ပါဘူး . . . မင်းက ကလေးဘဲ . . . ဓါတ်ပုံရိုက်လို့ ဓါတ်ပုံပျက်တယ်ဆိုတာက . . . လူကြီးတွေတောင်မှဖြစ်တတ်တာဘဲဥစ္စာ . . . မင်း စိတ်မပူပါနဲ့ကွာ . . . ကဲ . . . ပြန်တော့ … ပြန်တော့”ဟုဆို၍ ကျွန်ုပ်အား အိမ်သို့ချော့မော့ကာ ပြန်လွှတ်လိုက်လေတော့၏။

ထိုနေ့ညသည် တစ်ညလုံး ဘယ်လိုမှအိပ်၍မရတော့ပါ . . .။ မိုးလင်း၍သွားတော့၏။ ကျွန်ုပ်ဆုံးဖြတ်ချက်တစ်ခုအား လည်း အပြီးချလိုက်မိတော့၏။ ငါဓါတ်ပုံမရိုက်တော့ဘူး . . . ငါ့အပေါ်မှာ စေတနာမေတ္တာအပြည့်ထားပြီး ပညာသင်ပေးခဲ့တဲ့ ငါ့ဆရာသမားတွေကို သွားကန်တော့မယ်။ ပြီးရင် ငါအလုပ်ထွက်တော့မည်ဟု ဆုံးဖြတ်ချက်ချမိလိုက်တော့၏။

ထို့အတွက်ကြောင့် ကျွန်ုပ်သည် ခါတိုင်းနံနက်ခင်းများလို ၀ိရိယလည်း မရှိသကဲ့သို့ စိတ်နှလုံးသည်လည်း ညှိုးနွမ်း၍ ပင်နေလေပြီဖြစ်၏။ အလွန်ကိုပင် တက်ကြွလန်းဆန်းပြီး အောင်မြင်မှုများ လွှမ်းခြုံထားသည့် ကျွန်ုပ်နှလုံးသားသည် ညှိုးနွမ်း ရှုံ့တွနေသော ပန်းပွင့်ခြောက်ပမာပင် ဖြစ်နေဟန်တူတော့၏။ ဖြည်းညင်းစွာပင်လမ်းလျှောက်ရင်း ဓါတ်ပုံဆိုင်သို့လာခဲ့ တော့၏။

ဆက်လက်ဖော်ပြပါဦးမည် . . . ။


မေတ္တာအနန္တဖြင့်
အောင်ကောင်းမွန်(လားရှိူး)

“သုံးဘ၀သစ္စာ” အခန်းဆက်အချစ်နှင့်ဘ၀ဂမ္ဘီရ၀တ္ထုရှည်ကြီး   အောင်ကောင်းမွန်(လားရှိုး)

အခန်း(၄)

“ပီတိထံ တပည့်ခံသူ”

          ထိုနေ့သည် နံနက်(၇း၀၀)နာရီအချိန်သို့ ရောက်ရှိလို့နေပြီဖြစ်၏။ ကျွန်ုပ်သည် နွမ်းလျမှုခြေလှမ်းတို့နှင့်အတူ ဓါတ်ပုံ ပညာသင်ပေးခဲ့သည့် ဆရာများရှိရာ “ဘဲ”ဓါတ်ပုံတိုက်သို့လျှောက်လာခဲ့၏။ စိတ်အတွင်းတွင်လည်း ငါ့ဘ၀ကိုဘယ်လို ဆက်ပြီးရပ်တည်ရမလည်းဟူသောမေးခွန်းများသည် ကျွန်ုပ်ကိုယ် ကျွန်ုပ်အကြိမ်ကြိမ်ပြန်မေးနေသကဲ့သို့ပင် အတွေးအိမ် သည် စိတ်သက်တည်ငြိမ်မှုတို့ ကင်းမဲ့ခဲ့ရလေပြီဖြစ်၏။

ရင်တွင်းတွင် ၀မ်းနည်းကြေကွဲလွန်း၍ အောင့်နေသလိုလို နာနေ သလိုလို ဝေဒနာတစ်မျိုးသည်လည်းဖြစ်ပေါ်၍နေ၏။ ဤသို့ လမ်းလျှောက်၍သွားရင်းပင် လမ်းတ၀က်သို့အရောက် ဆိုင်တဆိုင်အတွင်းမှ တစုံတဦးမှ ကျွန်ုပ်အားခေါ်သည့် “ဟေ့ချာတိတ်”ဆိုသောအသံကြား၍ လှည့်ကြည့်လိုက်မိရာ ကျွန်ုပ် ဓါတ်ပုံရိုက်သည့်ပန်းခြံတွင်းဥယျာဉ်အလုပ်သမားတစ်ဦးဖြစ်ကြောင်းသိရ၍ ဆိုင်တွင်းသို့ ခေတ္တ၀င်ထိုင်ဦးမယ်ကွာဟု ဆုံးဖြတ် ကာထိုဆိုင်အတွင်းသို့ဝင်ခဲ့မိ၏။

ထိုဆိုင်သည်အရက်ပါရောင်းသောဆိုင်ဖြစ်၏။၎င်းဥယျာဉ်အလုပ်သမားဖြစ်သူမှာ နံနက်စောစောမှာပင်အရက်မှာ၍အရက်သောက်နေခြင်းဖြစ်၏။

ကျွန်ုပ်သည်ထိုစဉ်အချိန်တွင်ကလေးသာသာခန့်သာရှိသောကြောင့် အရက်သောက်ဖို့ကိုမပြောနှင့်အနံ့ပင်ကောင်းစွာမခံဝံ့သည့်ကာလပင်ဖြစ်၏။ သို့သော်လည်း ညနေ နေ၀င်ချိန်ရောက်လျှင်တော့ ဘူးဘီယာ တစ်ဘူးတော့ သောက် တတ်နေပြီဖြစ်၏။

          ထိုဥယျာဉ်မှူးမှာ ကျွန်ုပ်အားကြည့်၍ “ချာတိတ် . . . မင်းကြည့်ရတာ ဒီနေ့ မလန်းမဆန်းနဲ့ . . . ဘယ်လိုဖြစ်တာ လည်းကွာဟု မျက်နှာရိပ်မျက်နှာကဲခတ်၍မေးလေ၏။ ကျွန်ုပ်မှာ မည်သို့မျှ ပြန်လည်ပြောဆိုခြင်းမပြုဘဲ သက်ပြင်းရှည်တစ်ခု သာ ချဖြစ်သွား၏။                                

ထိုအခါ ထိုဥယျာဉ်မှူးမှာ ကျွန်ုပ်အား “ချာတိတ် . . . မင်းငယ်ငယ်လေးရှိသေးတယ် . . . သက်ပြင်းတွေ ဘာတွေ ချလို့ပါလား . . . မင်းကြည့်ရတာ အတော်စိတ်ညစ်နေတဲ့ပုံဘဲ . . .

အရက်သောက်မလား”ဟုဆို၍ပင် ဖန်ခွက်လွတ် တစ်လုံးယူပြီး ပုလင်းအတွင်းမှ အရက်များငှဲ့၍ ထည့်ပေးလေတော့၏။

ကျွန်ုပ်သည် အနည်းငယ်အံ့အားသင့်သွားမိ၏။ အဘယ်ကြောင့်ဆိုသော် နံနက်ခင်း စောစောစီးစီးအချိန်မှာပင် ကျွန်ုပ်ကဲ့သို့ လူပျိုပေါက်အရွယ်ပင်မရှိသေးသူတစ်ယောက်ကို အတင်းအရက်တိုက်တာက ဘာသဘောပါလိမ့်ဟုလည်း အတွေးဝင်လာခြင်းကြောင့်ဖြစ်၏။ “ဦးလေး တင်ထွေး ကျွန်တော် စိတ်ညစ်နေတာကတော့ အမှန်ပါဘဲ . . . ဒါပေမဲ့လို့ အရက်တော့မသောက်ပါရစေနဲ့ဗျာ . . . ကျွန်တော် အရက်ကိုဘယ်တုန်း ကမှလည်း သောက်ခဲ့ဖူးတာမဟုတ်ဘူး . . . ညနေခင်း ဘီယာသောက်တာတောင်မှ အမြည်းကောင်းကောင်းမပါရင် ကျွန်တော်မမြိုနိုင်ဘူး . . . ဦးတင်ထွေးရဲ့ . . . အခုလို မနက်အစောကြီး ဒီလိုအရက်ပြင်းသာသောက်ရင် ကျွန်တော့အူတွေ ပြတ်သွားမှာကြောက်တယ်”ဟုပြောရင်းပင် တောင်းပန်ပြီး လက်ကာတားလိုက်မိ၏။

ထိုအခါ ဦးတင်ထွေးဆိုသူ ဥယျာဉ်မှူး အလုပ်သမားမှာ “မင်းကလည်းကွာ . . . ဒီမှာဆိုဒါလည်းရှိတယ် . . . လစ်ပိုလည်းပါတယ် . . . မင်းအတွက် အရက်သောက် ရတယ် . . . အရက်ဝင်သွားတယ်လို့တောင်မှ သိလိုက်မှာမဟုတ်ဘူး . . . အရက်အရသာအ၀င်ဆိုးတယ် . . . မကောင်းဘူး ဆိုတာ လူတိုင်းသိတယ် . . . အရက်သမားမှန်သမျှ အရက်လျှာပေါ်ရောက်တဲ့အရသာကိုကြိုက်လားလို့မေးရင် ဘယ်သူမှ ကြိုက်တယ်လို့ဖြေမှာမဟုတ်ဘူး . . .  ဒါပေမဲ့လို့ ဗိုက်ထဲရောက်ပြီး တဖြေးဖြေး အရက်အရှိန်တက်လို့ မူးယစ်ယစ်လေး မူးလာပြီဆိုရင်တော့ ဘယ်လောက်ဆိုးတဲ့ အရက်ပြင်းဖြစ်စေ သောက်နိုင်သွားတာဘဲကွ . . .

ဒီကမ္ဘာလောကကြီးမှာ စိတ်ညစ်မှုမှန်သမျှကို မေ့ဖြေဖျောက်နိုင်တဲ့အရာဟာ အရက်တစ်မျိုးဘဲရှိတယ် . . . အဲ့ဒါကြောင့်မလို့ တစ်နေ့ပျော်ချင် အရက်သောက်ဆိုတဲ့စကားပုံဟာ ငါတို့လူတွေရဲ့ပါးစပ်ထဲမှာ အမြဲရှိနေတာပေါ့ကွာ”ဟု ပြော၍ပင် တဟားဟားနှင့်ရယ်မော လေတော့၏။ ၄င်း၏ကိုယ်ခန္ဓာမှာလည်း ထိုင်ရင်းပင် ဟိုဒီယိမ်းနေလေတော့၏။ ထို့ကြောင့် ၄င်းအတော်လေးအရက်မူးနေ သည်ကို ကျွန်ုပ်မှာ ကောင်းစွာသဘောပေါက်သွား၏။ အလိုက်အထိုက်စကားပြောနှုတ်ဆက်ပြီး ငါဒီနေရာက ခွာမှဖြစ်မယ်ဟု စိတ်ကူးလိုက်မိ၏။

          ထိုအချိန်၌မှာပင် ကျွန်ုပ်နှင့်အတူပညာသင်ဘက်ဖြစ်သူ စံမောင်ဆိုသူ သည် BMX စက်ဘီးအားစီး၍ ကျွန်ုပ်ရှိရာသို့ ရောက်ရှိလာတော့၏။ ကျွန်ုပ်အားတွေ့လျှင် စံမောင်သည် မျက်လုံးများပြူး၍ သွားတော့၏။ ချက်ခြင်းဆိုသလို မျက်ရည်များလည်းဝဲ၍လာကာ ကျွန်ုပ်အားပုခုံးနှစ်ဖက်စွဲကိုင်၍ “မင်းဒီမှာ စောစောစီးစီး အရက်သောက်နေတယ်ဟုတ်လား”ဟုပင် ရုတ်တရတ်ဒေါသထွက်သောဟန်ဖြင့်ပင်ပြောလေတော့၏။

“မဟုတ်ပါဘူး . . .  ငါအရက်မသောက်ပါဘူး . . . ဒီမှာ ဦးလေးတင်ထွေး ငါ့ကိုခေါ်နှုတ်ဆက်လို့ ငါခဏစကားဝင်ပြောတာပါ”ဟုပြော၍ ကျွန်ုပ်ရှေ့တွင်ချထားသော အရက်ခွက်အား ဥယျာဉ်မှူး ဦးတင်ထွေးရှေ့သို့ပင် ပြန်လည်ချပေးလိုက်၏။ 

ထိုအခါ ၄င်းအသက်(၅၀)နီးပါးခန့်ရှိသူ အရက်သမားကြီးဦးတင်ထွေးမှာ ကျွန်ုပ်သူငယ်ချင်း စံမောင်ဆိုသူအား “အဲ့ဒါပြောနေတာဘဲ ကွာ . . . မသောက်ပါနဲ့ မသောက်ပါနဲ့လို့ ငါလည်းသူ့ကို တားနေတာကွ . . . သူက စိတ်ညစ်တယ် တကဲကဲလုပ်ပြီး သောက် မယ်ကြီးလုပ်နေလို့”ဟုပင် စကားကို ပြောင်းတိပြောင်းပြန်ပြောတော့၏။

          ကျွန်ုပ်သည် လွန်စွာမှပင် အံ့သြမိတော့၏။ အသက်(၅၀)အရွယ်ရှိသူဖြစ်ပြီး ယခုကဲ့သို့ ကျွန်ုပ်အား အတင်းအကြပ် အရက်တိုက်ပြီး ယခုဘေးအမြင်ကောင်းရန် ပြန်လည်၍ စကားကို ဗလောင်းဗလဲပြုလုပ်တတ်ခြင်းအား လွန်စွာမှပင် ရွံ့ရှာမိ သွားတော့၏။ ထို့အတွက်ကြောင့် အရက်သမားတွေကို လူတွေက မလေးစား လူရာမသွင်းကြတောတွေက ဒါမျိုးတွေကြောင့် ဖြစ်မှာဘဲဟုပင် သတ်မှတ်မိတော့၏။

“စံမောင် မင်းငါ့ကိုလိုက်ခေါ်တာ ဆရာတို့ခေါ်ခိုင်းလိုက်တာလား”ဟုမေးပြီး ဒီလူကြီး မူးနေပြီ ထားခဲ့တော့ဟု မျက်နှာရိပ်မျက်နှာကဲပြ၍ ထိုနေရာမှ နှစ်ဦးထွက်ခွာခဲ့တော့၏။ ထို့နောက် ကျွန်ုပ်မှ “ငါ . . . စိတ်ညစ် လို့ကွာ . . . အဲ့ဒါ အလုပ်ထွက်တော့မယ်လို့ ညက တစ်ညလုံးမအိပ်ဘဲ စဉ်းစားဆုံးဖြတ်လိုက်တယ် . . . ဒါကြောင့် ငါဒီနေ့ ဖြေးဖြေးလာခဲ့တာပါ . . . အဲ့ဒါ စောစောက အဖိုးကြီးက ငါ့ကို အတင်းအရက်တိုက်နေတာ . . . အခုမင်းရှေ့မှာပြန်ပြောတော့ တမျိုး . . . မင်းကြားသလိုဘဲကွာ”ဟုပြောရာ စံမောင်မှာ ကျွန်ုပ်အား အသေအချာကြည့်ပြီး အနည်းငယ် ပြုံးယောင်သန်း သော မျက်နှာနှင့်ပင် “ငါတို့နှစ်ယောက် ဒီစက်ဘီးနဲ့ဖြစ်အောင် စီးသွားရအောင်ကွာ . . . အချိန်မရှိဘူး”ဟုဆိုပြီး ကျွန်ုပ်အား BMXစက်ဘီးရှေ့တန်းတွင်ထိုင်ခိုင်းပြီး ၄င်းမှပင်စက်ဘီးကိုအမြန်နင်း၍ထွက်လာခဲ့ရာ ဓါတ်ပုံဆိုင်ရှိရာသို့(၅)မိနစ်ကျော်ကျော် မှာပင်ရောက်ရှိသွားတော့၏။

ကျွန်ုပ် ဆိုင်အတွင်းသို့ဝင်ဝင်ခြင်းပင် ကျွန်ုပ်၏ဆရာ ညီအစ်ကိုမှ အစ်ကိုကြီးဖြစ်သူ ဦးကျော်ကြီးမှာ ကျွန်ုပ်အား ခပ်တည်တည်သာစိုက်၍ကြည့်နေသော်လည်း ဆရာဦးကျော်သက်မှာတော့ ပြုံး၍သာ အသာကြည့်နေ၏။ ကျွန်ုပ်သည် မည်သည့်စကားကိုမျှမပြောသေးဘဲ ထိုင်ခုံလွတ်တစ်ခုတွင်ဝင်ထိုက်လိုက်၏။ ဆရာ ဦးကျော်သက်မှာ ကျွန်ုပ်နံဘေးသို့လျှောက်လာပြီး ပုခုံးအား အသာဖက်၍ပင် ဤသို့ဆိုလေ၏။

“ဝေလင်း . . . မင်းအတော် စိတ်ညစ်နေတာလား . . . မင်း ဓါတ်ပုံမရိုက်တော့ဘူးလို့ဆုံးဖြတ်လိုက်ပြီလို့ ငါတို့ကြားလို့ . . . အဲ့ဒါ မင်းဘယ်လိုဖြစ် တာလည်း . . . ဒီနေ့ မင်းငါတို့ဆီက အလုပ်ထွက်တော့မယ်မလား”ဟုပင်ပြောလေ၏။

ကျွန်ုပ်သည် လွန်စွာမှ အံ့သြသွား၏။ မျက်လုံးများပင်ပြူးမိသွား၏။ အဘယ်ကြောင့်ဆိုသော် ကျွန်ုပ်ဓါတ်ပုံ မရိုက်တော့ဘူး ဓါတ်ပုံဆရာမလုပ်တော့ဘူး အလုပ်ထွက်တော့မယ်ဆိုသောစကားကို မည်သူ့ကိုမှ မပြောရသေး။ ထိုမကြာသေးခင်အချိန်လေးကမျှ စံမောင်ဆိုသူကို ပြောရုံလေးသာပြောမိသေး။ စံမောင်ဆိုသူမှာလည်း ယခု ကျွန်ုပ်ရှေ့မှာ အတူရှိနေတာ။ ကျွန်ုပ်ပြောခဲ့သမျှစကားတွေကို မည်သူတစ်ဦးတစ်ယောက်ကိုမျှ ပြန်လည်ပြောဆိုမှုမပြုသေးကြောင်းကို ကျွန်ုပ်သာ အမြင်ဖြစ်နေကြောင်း။

သို့သော်လည်း ယခု ဆရာဦးကျော်သက်မှ ကျွန်ုပ်ရင်တွင်းမှစိတ်ကူးဆုံးဖြတ်ချက်ကို အတိအကျ ယခု ကျွန်ုပ်အားပင် ပြန်လည်ပြောဆိုနေပြီ ဖြစ်ကြောင်း ကြားသိရလျှင် မအံ့သြ၍ပင် မနေနိုင်အောင်ဖြစ်ခဲ့မိတော့၏။

ဆရာဦးကျော်သက်မှာ “မင်း တအားအံ့သြနေတာလား . . . ဘယ်သူက မင်းရဲ့စိတ်ထဲကဆုံးဖြတ်ချက်ကို ငါတို့ကို လာပြောတယ်လို့ထင်လည်း”ဟုပြော၍ပင် ဆရာသမားနှစ်ဦး တစ်ဦးမျက်နှာတစ်ဦးကြည့်၍ ပြိုင်တူပင် ရယ်ပြုံးမှုပြုကြလေ၏။

ထို့နောက်တွင်  “ဟိုမှာ . . . မင်းစီရမဲ့ဓါတ်ပုံတွေ”ဟုပြော၍ ပုံ(၇၀)ခန့်ရှိသော ဓါတ်ပုံတထပ်အား သားရေကွင်းဖြင့်စီးထားပြီး ကျွန်ုပ်အား ပေးလေတော့၏။ ထိုသို့ပေးပြီးး “ဝေလင်း . . .  မင်းအလုပ်ထွက်မယ်ဆိုရင်လည်း  ဒီမင်းရဲ့ လုပ်စရာရှိတဲ့ တာဝန်တွေပြီးအောင်လုပ်ပြီးမှ ထွက်ချင်ရင်ထွက်ပေါ့”ဟုဆိုကာ ကျွန်ုပ်အား ရိုက်ပြီးခဲ့သမျှဓါတ်ပုံများနှင့်ဖလင်များစီ၍ စရံငွေ ကျန်ငွေများတွက်ချက်စီစစ်ခိုင်းတော့၏။

ကျွန်ုပ်သည် ၄င်းဓါတ်ပုံထပ်ကြီးအားယူ၍ အသေအချာကြည့်လိုက်မိလျှင် လွန်စွာမှ ပင် ကြည်နူးဝမ်းမြောက်ရလေတော့၏။ ကျွန်ုပ်၏စိတ်ခံစားမှုတို့သည်  (၂၄)နာရီအတွင်းမှာပင် စိတ်ဓါတ် တက်ခြင်းကျခြင်း၊ ၀မ်းနည်းဝမ်းသာ ပြင်းထန်လွန်းမှုတို့အား ခံစားရသည်နှင့်အမျှပင် လွန်စွာမှ လှည့်ဖျား မာယာများလွန်းလှသောလူတို့နှင့် လောကကြီးအား နားမလည်နိုင်အောင်ပင်ဖြစ်ရတော့၏။

          တဖြည်းဖြည်းနှင့်ပင် ကျွန်ုပ်၏ရင်တွင်းတွင် အထူးကိုပင်လည်း ၀မ်းမြောက်ဝမ်းသာပင်ဖြစ်ပေါ်လာလေ တော့၏။ ကျွန်ုပ်စီမည့် ဓါတ်ပုံတို့၏အပေါ်ဆုံးတွင်တွေ့ရသောပုံများဟာ ယမန်နေ့က တိုင်းမှူးကြီး အခမ်းအနားမှတ်တမ်း ဓါတ်ပုံများပင်ဖြစ်ပြီး လွန်စွာမှပင် အလင်းအမှောင်ဆေးရောင်တို့ မျှတကောင်းမွန်မှုရှိလှသည်ကိုလည်း တွေ့ရလေခြင်း ကြောင့်ဖြစ်၏။

ကျွန်ုပ်၏နှလုံးအိမ်သည် အေးချမ်းလွန်းပြီး ပြောမပြနိုင်လောက်သည့် ပျော်ရွှင်မှုတစ်ခု လက်ဝယ်ပိုင်ဆိုင်နေပြီ ဟူသော ခံစားမှုတစ်ခုအား ခံစားလိုက်ရလေပြီဖြစ်၏။ ထိုခံစားမှုရသသည် “ပီတိ”ဟု အမည်တပ်ရကြောင်းကိုတော့ ထိုစဉ် အချိန်မှာ ကျွန်ုပ်အနေနှင့် လုံးဝကိုမသိခဲ့သေးပါ။ သို့သော်လည်း ထိုပီတိ၏အရသာကိုတော့ ကျွန်ုပ်အနေနှင့်ခံစားဖူးပြီဖြစ် သောကြောင့်ပင် လွန်စွာမှနှစ်သက်သွားခဲ့မိတော့၏။

          ထို့ကြောင့်ပင် ၄င်းပီတိအား အကြောင်းပြု၍ စွဲလန်းတပ်မက်မှုတဏှာ ဥပါဒါန်မှာလည်း ကျွန်ုပ်အနေနှင့် သတိလွတ်ကာ ထိုစဉ်အချိန်မှာ စွဲမက်နှစ်ခြိုက်ခဲ့ရလေတော့၏။ ထို့ကြောင့်ပင် ဘ၀မှာ ငါဟာ အခုလို ထူးခြားလှတဲ့ အောင်မြင်မှုတွေတစ်ခုပြီးတစ်ခု ရရှိပိုင်ဆိုင်အောင်လုပ်မယ် . . . ရကိုလည်းရရမယ်ဆိုသောစိတ်တို့သည်လည်း နောက်ဆက် တွဲပင် မီးရထားစက်ခေါင်းကြီးနောက်မှ ရထားတွဲများလိုက်သကဲ့သို့ ရထားလမ်းပေါ်သို့ တစ်တွဲပြီးတစ်တွဲလိုက်ပါသွားသလိုပင်ဖြစ်လေတော့၏။

တခါတရံတွင်လည်း နွားလှည်းကဲ့သို့ပင် နွားဆွဲရာနောက်သို့ လိုက်ပါသွားရသလို ဖြစ်ခဲ့ရတော့၏။ နွားများမှာ ရေထဲသို့ဆင်းသွားလျှင် နွားလှည်းမှာ ရေထဲသို့ဆင်းပါသွားသကဲ့သို့ နွားတို့သည်တောင်ကုန်းပေါ်သို့တက်လျှင်လည်းနွားလှည်းဖြစ်သည်မှာတောင်ကုန်းပေါ်သို့လိုက်တက်ဆွဲဆောင်ခြင်းမှာခံခဲ့ရ လေတော့၏။ တခါတရံတွင်လည်း ရွံ့နွံများကြား ကိုပင် နွားဆွဲရာပါသကဲ့သို့ပင်ဖြစ်ရလေတော့၏။ ထို့အတွက်ကြောင့်ပင် ကျွန်ုပ်သည် ထိုစဉ်အချိန်မှစ၍ အထင်အရှားပင် “ပီတိ”ထံ တပည့်ခံသူတစ်ဦးဖြစ်သွားခဲ့လေတော့၏။

         

                                                          
                                           ဆက်လက်ဖော်ပြပါဦးမည် . . . ။


မေတ္တာအနန္တဖြင့်
အောင်ကောင်းမွန်(လားရှိူး)

                  

 ဤအခန်းဆက်ဝတ္ထုရှည်ကြီးအား ကျွန်ုပ်သည် ချစ်ခင်လေးစားရပါသော      သူငယ်ချင်းမိတ်ဆွေပရိတ်သတ် အားလုံးအပေါ်တွင် ကောင်းမြတ်သော သဘောမနောနှင့် ရေးသားဖော်ပြနေခြင်းဖြစ်ပါသည်။

ကျွန်ုပ်ဘ၀တွင် ယခုလက်ရှိ အချိန်ကာလအထိ ဘ၀ကံအကောင်းဆုံးအချက်အားပြောပါဟု တစုံတယောက်မှသာမေးလာခဲ့လျှင် ကျွန်ုပ်အနေနှင့် စဉ်းစား တွေဝေစရာမှာ လုံးဝကိုမရှိဘဲ တိကျပြတ်သားသောအဖြေတစ်ခုကို ပြန်လည်ဖြေဆိုရန်မှာ အမြဲပင်အထင်အရှားရှိနေ ပါသည်။ ထိုအဖြေသည်ကား ကျွန်ုပ်ဟာ ဆရာ ကံကောင်းသူတစ်ယောက်ပါ . . . ဘ၀တွင် ဆရာကောင်းများနှင့်တွေ့ဆုံခွင့် ရခဲ့သူပါ ဟုပင် ပြန်လည်အဖြေပေးပါမည်။ ထို့အတွက်ကြောင့် ကျွန်ုပ်ကြုံတွေ့ခဲ့ရသောဆရာများ၏ ဆုံးမမှုများ၊ ဘ၀အမှတ် တရစကားများ၊ ဘ၀ဒဿနခေါ် ဘ၀ပညာ၊ အတတ်ပညာ၊ စာပညာနှင့် လောက ဓမ္မ ဂမ္ဘီရ တို့နှင့် လျှော်ညီ၍ ငယ်ရွယ်သူတို့၏ သဘော၊ ကြီးရင့်သူတို့၏ မနောနှင့် ထပ်တူညီမျှသောအချစ်ခံစားမှုရသတို့ဖြင့်ပင် ကျွန်ုပ်အထူးကြိုးစားရေးသားနေခြင်း ဖြစ်ပါသည်။

ဖတ်သားအားပေးကြကုန်သော သူငယ်ချင်း၊ မိတ်ဆွေ၊ ပရိတ်သတ်အားလုံးတို့ကို အထူးပင်ကျေးဇူးတင်ရှိပါ ကြောင်းကို ဤနေရာတွင် အလျဉ်းသင့်၍ လေးနက်စွာ ပြောကြားလိုက်ရပါတယ်ခင်ဗျား။ ကျွန်တော့်ရဲ့ ဂမ္ဘီရ Website ဖြစ်တဲ့ www.25aungkungmon.blogspot.com ကိုလည်း အချိန်ရခဲ့ပါက ၀င်ရောက်ကြည့်ရှုအားပေးပြီး အကြံပြုစာလွှာများ ရေးသားပေးကြပါရန်လည်း လေးစားစွာဖိတ်ခေါ်လိုက်ရပါတယ်ခင်ဗျား . . . ။

စာရေးသူ

“သုံးဘ၀သစ္စာ” အချစ်နှင့်ဘ၀ဂမ္ဘီရအခန်းဆက်ဝတ္ထုရှည်ကြီး   အောင်ကောင်းမွန်(လားရှိုး)

                                                                     အခန်း(၅)
                                          “ဆရာသမား၏အဖိုးတန်စကား(သို့)စိတ်လေ့ကျင့်ခန်း”

ကျွန်ုပ်သည် နန်းဟေ၀န်ရေကူးကန်ဖွင့်လှစ်ပွဲအခမ်းအနားဓါတ်ပုံများအား သက်ဆိုင်ရာ ကန်ထရိုက်ကြီးအားပေးရန် အတွက် မူရင်းဖလင်များတွဲနေချိန်တွင် ကျွန်ုပ်ဆရာ ဦးကျော်သက်မှ စပရိန်ပလာယာကြီးတွင် တပ်ဆင်ထားသော ဖောင်းကြွ စာလုံးပါတံဆိပ်အား ၄င်းအခမ်းအနားဓါတ်ပုံများကို ယူငင်ရိုက်နှိပ်ပေးလေ၏။ ကျွန်ုပ်သည် ဤသို့ပြုလုပ်ခြင်းကို ယခင် တခါမှမမြင်ဖူးခဲ့သူဖြစ်၍ ဘာလုပ်တာပါလိမ့်ဟုပင် စိတ်ဝင်တစားဖြစ်၍ အသေအချာကြည့်မိလေ၏။ ထိုအခါ ဆရာ ဦးကျော်သက်မှာ “ဒါက . . . ငါတို့ဆိုင်ရဲ့ဖောင်းကြွတံဆိပ်လေ . . . ဒီလိုတံဆိပ်မျိုး ငါတို့ဆီမှာရှိတယ်လို့ . . . မင်းအရင် တစ်ခါမှ မတွေးမိခဲ့ဘူးမလား”ဟုမေးလေ၏။ ကျွန်ုပ်သည် ဘာမျှပြန်၍မပြောဘဲငြိမ်၍်သာနေ၏။ ဆရာဦးကျော်သက်ဖြစ်သူမှာ ဆက်လက်၍ပင် ဤသို့ဆိုပြန်၏။ “ငါမေးနေတယ် . . . မင်းဖြေလေကွာ . . . ဝေလင်း မင်းမှတ်ထား . . . လောကကြီးမှာ ကိုယ်မမြင်မတွေ့ဘူးတိုင်း . . . အဲ့ဒီ မမြင်မတွေ့ရသောအရာတွေကို မရှိပါဘူးလို့မထင်ရဘူး . . . ကိုယ်မသိ ကိုယ်မမြင်ပေ မဲ့လည်း သူ့သဘောနဲ့သူ ဒီလောကကြီးမှာ အဲ့ဒီ မသိခြင်း၊ မမြင်ခြင်းဆိုတဲ့အရာတွေရှိနေတယ်ဆိုတာ နားလည်ထားရမယ် … ပြီးတော့ . . . ငါတို့ရဲ့ ဒီကမ္ဘာလောကကြီးမှာ ထူးခြားသောအရာတွေ

အတော်များများဟာ တီထွင်ဖန်တီးလုပ်ယူလို့ရတာတွေ မဟုတ်ဘူး . . . စူးစမ်းရှာဖွေဖော်ထုတ်လို့ရရှိတဲ့အရာတွေသာဖြစ်နေတာ . . .အဲ့လိုအလွန်ကိုထူးစမ်းမှူတွေကို ဒီနေ့ ငါတို့ကမ္ဘာကြီးမှာ အကြိမ်ကြိမ်တိုက်ဆိုင် စွာကိုဘဲ တွေ့ရှိလာခဲ့ရတယ်”ဤသို့ပြောဆိုရင်းပင် ဆရာသမားဖြစ်သူ ဦးကျော်သက်မှာ ကျွန်ုပ်၏မျက်နှာအား စေ့စေ့ကြည့် ၍ပင် ထပ်မှန်၍ တန်ဖိုးတရားလွန်စွာမှထိုက်တန်လှသောစကားတို့အား ဆိုပြန်လေ၏။

“လူတွေက အောင်မြင်ဖို့ . . . နိုင်ငံ ကျော်ရုပ်ရှင်မင်းသားကြီး၊ မင်းသမီးကြီးဖြစ်ဖို့ . . . နိုင်ငံကျော်ပညာရှင်ကြီးဖြစ်ချင်လို့ဆိုပြီး . . . ဖြစ်ချင်တာတွေကို ဖြစ်အောင်လုပ်မယ်ဆိုပြီး စိတ်ဓါတ်ခွန်အားတွေထည့် . . . ခံယူချက်တွေ အခိုင်အမာချကြတယ် . . . ပြီးတော့ မအားမနား ကြိုးစားကြတယ်ကွာ . . . တအားကို ကြိုးစားကြတော့တာဘဲ . . . အဲ့ဒီလူတွေဘ၀မှာ အောင်မြင်သွားသလားလို့မေးရင် . . . မအောင်မြင်ကြတာများတယ်ကွာ . . . အားကုန်ဖွင့်ပြီး ကြိုးစားတဲ့နည်းက သိပ်ပြီးတော့ ငါ့အနေနဲ့ မနှစ်သက်လှဘူး . . . လူဆိုတာ . . . ကိုယ်ဖြစ်ချင်တဲ့အရာကို . . .

နံပါတ်(၁)အချက် - ကိုယ်တကယ်ဘဲဖြစ်ချင်တာလား . . . ဘာကြောင့်ဖြစ်ချင်ရတာလည်း … ကိုယ့်ကိုယ်ကို ပြန်စမ်းစစ်သင့်တယ် . . . အဲ့ဒီမှာ ခိုင်လုံတဲ့အကြောင်းပြချက်တွေထွက်လာတယ် . . . ငါဟာ ဒါ့ကြောင့် ဖြစ်ချင်တယ်ပေါ့ . . . ကဲ အဲ့ဒီတော့ . . . နောက်

နံပါတ်(၂) - အဲ့ဒီဖြစ်ချင်တဲ့ ကိစ္စဟာ ငါနဲ့လိုက်လျောညီထွေမှုရှိရဲ့လား . . .? လို့လည်း ပြန်ပြီးစမ်းစစ် သင့်တယ် . . .

နံပါတ်(၃)အချက် - ငါလုပ်တဲ့ အလုပ်တွေအောင်မြင်သွားရင် င့ါဘ၀အတွက်၊ ငါ့မိဘမောင်နှမမိသားစုမျိုးဆက်တွေ အတွက် ကောင်းကျိုးပြုနိုင်မလား . . . ဒီကမ္ဘာလောကလူသားမျိုးနွယ်စုကြီးတခုလုံးကိုရော ကောင်းကျိုးပြုနိုင်မလား လို့လည်း စဉ်းစားဆုံးဖြတ်သင့်တဲ့အချက်ဘဲ . . .

နံပါတ်(၄)အချက် - ကိုယ်လုပ်မဲ့ ကိုယ့်ရဲ့ဘ၀ခံယူချက်အောင်မြင်မှုအတွက် လိုအပ်ချက်တွေ အထောက်အကူပြု ဖွယ်ရာအချက်အလက်တွေပေါ့ . . . ဥပမာ ငွေ၊ ပညာ၊ ဗဟုသုတ၊ အကျင့်၊ သီလ၊ ဘာသာစကား၊ အပေါင်းအသင်း စတဲ့ အချက်တွေပေါ့ . . . အဲ့ဒါတွေလည်း ပြည့်စုံမှုရှိရဲ့လား . . . မပြည့်စုံသေးရင် ဘယ်လိုနည်းနဲ့ တဖက်က ပြည့်စုံအောင်လုပ်မှာလည်း . . . စဉ်းစားအဖြေရှာထားရမယ် . . .

နံပါတ်(၅)အချက် - ကိုယ်လုပ်မဲ့အလုပ်ဟာ ကိုယ့်ရဲ့နေထိုင်ရာ အမိတိုင်းနိုင်ငံ၊ ပြည်နယ်ရဲ့ တရားဥပဒေနဲ့ကိုက်ညီမှု လိုက်လျောညီထွေမှုရောရှိရဲ့လား . . . အဲ့ဒါလည်း အတော်လေးကို အရေးကြီးတဲ့အချက်ဘဲနော် . . . ဒါသတိရှိရမယ် . . .

နံပါတ်(၆)အချက် - ငါတို့ကမ္ဘာကြီးပေါ်မှာ လူတစ်ယောက်အတွက် စကြာဝဋာ ဂြိုလ်နက္ခတ်တွေ လှည့်ပတ် ပြောင်းလဲမှုတွေအပေါ်ကိုမူတည်ပြီး . . . ဘယ်နေ့ ဘယ်အချိန်မှာ မွေးဖွားလာတဲ့သူက ဘယ်လိုစရိုက်မျိုးရှိမယ် … ဘယ်လိုကိစ္စရပ်တွေမှာ ထူးချွန်မယ် . . . ဘယ်လိုကိစ္စရပ်တွေက သူ့ကိုချမ်းသာအောင်ကောင်းကျိုးပြု အကျိုးပေး သလို . . .

ဘယ်လိုကိစ္စရပ်တွေကတော့ လုပ်မိတာနဲ့ ဒုက္ခရောက်လိမ့်မယ် . . . သူနဲ့လုံးဝကို မတည့်ဘူးပေါ့ . . . အဲ့ဒီလိုတွက်ချက်တဲ့ပညာရပ်ရှိတယ် . . . အဲ့ဒီပညာဟာ ကမ္ဘာပေါ်မှာရှိကြတဲ့ ရှေးကျတဲ့လူမျိုးတွေဆီမှာရှိတာ . . . အဲ့ဒါကြောင့်မလို့ ရှေးကျသက်တမ်းရှည်လူမျိုးတွေမှာ သူ့ဓလေ့ သူ့ထုံးစံနဲ့သူ သူတို့တွက်ချက်တတ်တဲ့ ဗေဒင်ပညာ ဆိုတာ ရှိနေကြတာဘဲ . . . တရုတ်လူမျိုးမှာ အလွန်ကိုနက်ရှိုင်းတဲ့ တရုတ်ဂမ္ဘီရပညာရပ်တွေရှိတယ် . . . ဗေဒင်လို့ ပြောရင်လည်းရတာပေါ့ကွာ . . . အခုတော့ မင်းအနေနဲ့ အဲ့လိုဘဲ အလွယ်မှတ်ထားပါ . . . ။

မှတ်ချက်။ ။

ယခု ဤအခန်းဆက်ဝတ္ထုရှည်ကြီး၏ ဇာတ်လည်ပိုင်းသို့အရောက်တွင် ၄င်းတရုတ်ရိုးရာဂမ္ဘီရ ပညာရပ်များနှင့် ယနေ့တိုင် ကမ္ဘာအရပ်ရပ်တွင် နေထိုင်ကြကုန်သော တရုတ်လူမျိုးများ ယုံကြည်ထားသည့် ဘုန်းရွှေပညာရပ်အား၎င်း၊ ယီရှင်းပညာရပ်အား၎င်း၊ ထည့်သွင်းဖော်ပြပေးသွားပါမည်။

စာရေးသူ

“မြန်မာလူမျိုးမှာလည်း မြန်မာ့ရိုးရာ လဂ်ဆန်းဗေဒင်ပညာရှိတယ် . . . အနောက်တိုင်းမှာလည်း astrology ဆိုတဲ့နက္ခတ်ဗေဒင်ပညာရှိသလိုအိန္ဒိရနိုင်ငံမှာလဲအလွန်ကိုမြင့်မားနက်ရှိူင်းတဲ့နက္ခတ်ဇာတာပညာ   ရှေးအီဂျစ်ပညာတွေ၊ ဟီဗရူး ဂျပ်စီ ဂဏန်းဗေဒင်ပညာတွေ၊ တားရော့လို့ခေါ်တဲ့ ကံကြမ္မာ ဖတ်ပညာတွေရှိတယ် . . .

အဲ့ဒီပညာတွေဟာ ယခုအချိန်မှာ အမှန်တကယ်တတ်ကျွမ်းတဲ့ ပညာရှင်ဆရာကြီးတွေ အလွန်ကိုနည်းသွားပြီ . . . အယုံလွယ်တတ်ကြတဲ့လူတွေကို အငိုက်ဖမ်းပြီး လိမ်လည်နေတဲ့သူတွေများနေပြီ . . . ဒါပေမဲ့လို့ အမှန်တကယ်တတ်ကျွမ်းတဲ့ နက္ခတ်တဗေဒပညာရှင် လဂ်ရိုးနဲ့ဘဲတွက်တွက်၊ လဂ်ဆန်းနဲ့ဘဲတွက်တွက် အဲ့ဒီလို တွက်တတ်တဲ့ဆရာကြီးတွေဆီမှာလည်း ကိုယ့်ဘ၀အတွက် ကိုယ်လျှောက်မဲ့ဘ၀ကိုယ်လုပ်မဲ့ အလုပ်၊ ကိုယ့်ရည်မှန်းချက်ဟာ အောင်မြင်နိုင်လောက်သော . . . လိုက်လျောညီထွေမှုဟာ ကိုယ်နဲ့အမှန် တကယ်ရှိရဲ့လားလို့ မေးသင့်ပါတယ် . . .။

လူတစ်ယောက်အတွက် ဘ၀မှာ အကြမ်းဖျင်းဘဲပြောပြော . . . အနုစိပ်ဘဲပြောပြော သုံးမျိုးသုံးစားရှိတယ်။

ပထမတစ်ခုက - ကိုယ့်ရဲ့ဘ၀ကို ကြီးပွားချမ်းသာအောင်မြင်နိုင်သော . . . ကိုယ့်ရဲ့ကောင်းကျိုးပြုမဲ့အလုပ် တွေ . . . အဲ့ဒီအလုပ်တွေသာလုပ်ရင် လုပ်သလောက်လည်း အကျိုးရှိမယ် . . . ကံကလည်း အထောက်အကူပြု လိမ့်မယ် . . .

ဒုတိယတစ်ခုက - ဘ၀မှာ ကြိုးစားသလောက်သာ အောင်မြင်မယ် . . . ကံကတော့ အထောက်အကူ မပြုဘူး . . . ဒါကတော့ ဘ၀မှာမတတ်နိုင်မှ လုပ်ရမဲ့အလုပ် . . . လက်ရှိအခြေအနေကိုအဆင်ပြေအောင်ပေါ့ . . .

တတိယတစ်ခုက - ကြိုးစားသလောက်လည်းမအောင်မြင်ဘူး . . . ကံကလည်း အထောက်အကူမပြုဘူး … ဒါကတော့ လုံးဝကို မလုပ်သင့်တဲ့အလုပ်ပါဘဲ . . . အဲ့ဒီလိုအလုပ်တွေလုပ်မိရင်တော့ လုပ်လေ ဒုက္ခရောက်လေ ဖြစ်နေလိမ့်မယ် . . . ကံမရှိ ဉာဏ်ရှိတိုင်းမွဲဆိုတာမျိုးပေါ့ . . . ဘယ်လောက်ဘဲ ဉာဏ်ရှိနေပါစေ

. . . သူနဲ့ သူလုပ်တဲ့အလုပ်နဲ့က လုံးဝကို ကံဓါတ်သဘောလိုက်လျောညီထွေမှုမရှိတာကိုပြောတာဘဲ . . . တချို့လူတွေ နိုင်ငံရေးလုပ်ကြသလိုပေါ့ . . . လုပ်တိုင်း ဒုက္ခရောက်တာဘဲ . . . ။ တချို့ဘာမှကို ရည်ရွယ်ကြိုးစားပြီးမလုပ်လိုက်ရဘူး အောင်မြင်သွားကြတယ် . . . စစ်ဘက်ဆိုင်ရာတွေ မှာလည်း ဒီလိုကိစ္စဖြစ်စဉ်မျိုးတွေ အထင်အရှားရှိတယ် . . . သူငယ်ချင်းနှစ်ယောက် စစ်ထဲအတူဝင်တယ် . . . တစ်ယောက်ကတော့ အရာရှိကြီးဖြစ်ပြီး ဘ၀မှာအောင်မြင်သွားတယ် . . . တစ်ယောက်ကတော့ ခဏခဏ ပြဿနာ တွေတက်နေတယ် . . . နောက် စစ်တပ်ကထွက်ပြီး တခြားအလုပ်လုပ်မှ အောင်မြင်သွားတယ် . . . ဒါကတော့ ငါ… ဥပမာအနေနဲ့ ရှိနေ ဖြစ်နေတတ်တဲ့သဘောကို ပြောပြတာပါ . . .

 အခုပြောတဲ့ နံပါတ်(၆)အချက်ကိုလည်း အသေ အချာကို ထည့်သွင်းစဉ်းစားလုပ်ကိုင်ရမှာဘဲ . . .။

နောက်တစ်ခုကတော့ . . .

နံပါတ်(၇)အချက် - ဒါကတော့ . . . စိတ်ပိုင်းဆိုင်ရာနဲ့ ပတ်သက်တာပါ . . . သိပ်ကိုအရေးကြီးလေးနက်တယ်ကွာ … လူတွေပြောနေကြတဲ့ တန်ခိုးဆိုတဲ့အရာလို့လည်း ပြောလို့ရတယ် . . . စိတ်တန်ခိုးပေါ့ . . . အဲ့ဒီ စိတ်တန်ခိုးဟာ စိတ်စွမ်းအားကနေဖြစ်လာတယ်လို့ နားလည်ထားရလိမ့်မယ် . . . စိတ်ပညာနဲပတ်သက်လို့ စိတ်စွမ်းအင်နဲ့ ပတ်သက်လို့ ကမ္ဘာပေါ်မှာ စိတ်ပညာဆရာကြီးတွေ . . .

အမြင်အမျိုးမျိုးနဲ့ စိတ်ပညာကျမ်းတွေ အများကြီး အခိုင် အမာရှိနေပါတယ် . . . အားလုံးလည်း လက်ခံနိုင်တဲ့ စိတ်ပညာအချက်အလက်တွေကြီးပါဘဲ . . . အဲ့ဒီမှာ ဘ၀မှာ အောင်မြင်ချင်တယ် . . . လူတကာထက်ကို အောင်မြင်ချင်တယ် . . . Popular ဖြစ်ချင်တယ်ပေါ့ကွာ . . . အဲ့ဒီလူ အတွက်တော့ စိတ်ပညာနဲ့ပတ်သက်လို့ သူနားလည်ရမဲ့အချက်ဟာ နှစ်ချက်ဘဲရှိတယ် . . .

နံပါတ်(၁)အချက်ကတော့ … အာရုံပြုခြင်းဖြစ်သလို….

နံပါတ်(၂)အချက်ကတော့ … အတည်ပြုခြင်းသာဖြစ်တယ်။

ဘ၀မှာ ဖြစ်ချင်တယ်ဆိုလာကတည်းက ဆန္ဒ(Hope)လို့ အင်္ဂလိပ်လိုခေါ်တယ် . . . ရှိပြီးဖြစ်နေပြီ . . . အဲ့ဒီ Hope ကို အာရုံပြုခြင်းအလုပ် …. လုပ်ရမယ် . . . ပြီးရင် ××အတည်ပြုခြင်းအလုပ်လုပ်ရမှာပေါ့” ဤနေရာသို့ အရောက်တွင် ကျွန်ုပ်သည် အနည်းငယ် မရှင်းမရှင်းဖြစ်လာသလို စာဖြင့်ပင်ရေးမှတ်မှ မှတ်မိတော့မည်ဖြစ်သော ကြောင့်ပင် လိုက်ရေးမှတ်လိုက်တော့၏။

အဘယ်ကြောင့်ဆိုသော် ကျွန်ုပ်သည် ကျောင်းစာပညာအရည်အချင်းမရှိသူ တစ်ယောက်ဖြစ်သောကြောင့် English ကိုလည်း ကြားညှပ်ပြောတတ်ခြင်းမရှိပါ။ အများသူငှာပြောလာလျှင်လည်း ကျွန်ုပ်အနေနှင့် လုံးဝကိုနားမလည်ပါ။ ကျွန်ုပ်ဆရာ ဦးကျော်သက်မှာ ဆက်လက်၍ စိတ်ရှည်လက်ရှည် ရှင်းပြလေ တော့၏။

“ကိုယ်ဖြစ်ချင်တဲ့ကိစ္စရပ်က လူတကာလိုမဟုတ်ဘဲ လူတကာထက်မြင့်ချင်တော့ လူတကာလို လုပ်ရိုး လုပ်စဉ်အတိုင်း လိုက်နေ လိုက်လုပ်လို့မရတော့ဘူး . . . စိတ်ပိုင်းဆိုင်ရာ စိတ်ကျင့်စဉ်တွေကိုလည်း ကျင့်ရတယ်

… အဲ့ဒါကိုတော့ အင်္ဂလိပ်လို Auto Suggestion လို့ခေါ်တယ်” မောင်ဝေလင်းရေဟု ဆိုလေတော့၏။ 

ကျွန်ုပ်သည် ၄င်းအင်္ဂလိပ်စကားလုံးအား မရေးတတ်၍ ကွက်လပ်သာထားပြီး မြန်မာလိုသာရေးသွား လိုက်၏။ ဆရာသမားဖြစ်သူမှာ ဤသို့ ဆက်လက်၍ စိတ်ကျင့်စဉ်                                                                  Auto Suggestion ကောင်းစွာလုပ်တတ်အောင် ပြောပြလေ၏။

“ပထမအချက်ကတော့ . . . မင်းရဲ့ဆန္ဒပေါ့ . . . Hope ဆိုတာကို အသေအချာမျက်လုံးထဲမှာမြင်အောင် အဲ့ဒီအောင်မြင်မှုနဲ့ပတ်သက်တဲ့ အသံတွေကြားအောင် အဲ့ဒီအောင်မြင်မှုဘ၀ထဲကိုမြင် ရောက်နေသလိုဖြစ်အောင်ကို မင်းရဲ့စိတ်ကူးကိုလုပ်ယူရမယ်” ကျွန်ုပ်ဆရာသမားပြောသည့်အချက်အား ကျွန်ုပ်နားလည်သလို ဟုတ်မဟုတ် ဤသို့ပြန်၍မေးမိပါသည်။

“ဆရာပြောတာက စိတ်ကူးယဉ်တာဘဲဟုတ်လားဆရာ”ဟုမေးရာ . . . ဆရာဖြစ်သူမှ . . . “အေး ဟုတ်တယ်ကွ . . . အဲ့ဒီမှာ မင်းရဲ့စိတ်တွေပျော်လာအောင် တအားစိတ်တွေချမ်းသာလာအောင်ကို အာရုံပြုရမယ် … အဲ့လို အာရုံပြုတဲ့အချိန်မှာ မင်းရဲ့ခန္ဓာကိုယ်မှာရှိတဲ့ အကြောတွေကို အရင်လျော့ထားရမယ် . . . ပထမတင်းနေတဲ့အကြောတွေကို အရင်လျော့ပစ်ရမယ် . . . အဲ့ဒီလို ရုပ်ခန္ဓာက အကြောတွေ တကယ်လျော့သွားရင် ပက်လက်ကုလားထိုင်လိုမျိုး သက်တောင့်သက်သာရှိတဲ့ အနေအထားမျိုးနဲ့လုပ်ရမယ် . . . ပက်လက်ကုလားထိုင်မှာထိုင်ပြီးရင် စိတ်နဲ့မင်းရဲ့ခန္ဓာကိုယ်မှာရှိသမျှအကြောတွေကိုလိုက်ပြီးလျော့ရမယ် . . . အဲ့ဒီလိုလျော့တဲ့နေရာမှာ တင်းနစ်ဘောလုံးလေးအရွယ်လောက် ရွှေရောင်လက်နေတဲ့ ဓါတ်လုံးလေးတစ်ခု မင်း ခြေထောက်ခြေဖ၀ါးနားကို ဖြတ်သန်းနေတယ် . . . သူဖြတ်သွားတဲ့နေရာမှ ရှိသမျှ ငါ့ရုပ်ခန္ဓာအကြောတွေအားလုံး လျော့သွားပြီလို့ မှတ်ယူယုံကြည်ရမယ် . . .

 ဒါဆို သိပ်လွယ်တယ်ကွာ . . . အဲ့ဒီဘောလုံးလေးဟာ မင်းခန္ဓာကိုယ် တစ်ခုလုံးကိုလိုက်ပြီး ဖြတ်သွားတယ်လို့အာရုံပြုပြီး သူဖြတ်သန်းသွားတဲ့နေရာတွေမှာရှိတဲ့ အကြောတွေအားလုံး လျော့သွားပြီလို့ ယုံကြည်လိုက်ကွာ . . . ပါးစပ်ကပါလိုက်ပြီး အာရုံပြုတာကိုပြောလို့ရတယ် . . . ဒါပေမဲ့ အကျယ်ကြီး တော့မပြောနဲ့ကွာ . . . ကိုယ်ပြောတာကို ကိုယ်ကပြန်ကြားတယ်ဆိုရုံလောက်အသံဆိုရင်ရပါပြီ . . . အဲ့ဒါကိုတော့ ရီလိုက်ဇေးရှင်းRelizationလို့ခေါ်တယ်”ဟုပင်ဆိုလေ၏။ ကျွန်ုပ်လည်း ၄င်း Relizationရီလိုက်ဇေးရှင်းအား မြန်မာလိုသာ ရေးမှတ် လိုက်တော့၏။

“အဲ့ဒီလိုလုပ်ပြီး အိပ်လိုက်ရင် ခါတိုင်း(၈)နာရီမှအိပ်ရေးဝတဲ့လူဟာ (၂)နာရီအိပ်လိုက် . . . အိပ်ရေးဝသွား တာကို အံ့သြစွာတွေ့ရတတ်တယ်ကွ . . .

 အခုမင်းကတော့ အိပ်ဖို့လုပ်ရမှာမဟုတ်ဘူး . . . Auto Suggestion လုပ်ဖို့အတွက် Relizationရီလိုက်ဇေးရှင်း လုပ်တယ်လို့မှတ်ပါ . . . တချို့အလုပ်တာဝန်တွေသိပ်များတဲ့သူတွေ စိတ်ညစ်စရာတွေသိပ်များတဲ့သူတွေဆိုရင်လည်း အခုလိုညတိုင်း Relizationရီလိုက်ဇေးရှင်းလုပ်ပြီးအိပ်သင့်တယ်လို့ နားလည်ထားရမယ်…။

အဲ့ဒီမှာ မင်းတစ်ကိုယ်လုံး အကြောတွေလျော့တဲ့Relization ရီလိုက်ဇေးရှင်းပြီးပြီ . . . မင်းဟာ ပက်လက်ကုလားထိုင် ပေါ်မှာ အေးချမ်းစွာထိုင်ပြီး မင်းဖြစ်ချင်တာကို ဖြစ်အောင်လုပ်တော့မယ် . . . ဘာနဲ့လုပ်မှလည်း အခုစိတ်ကျင့်စဉ်နဲ့ လုပ်မှာ . . . အပြင်မှာ လူကိုယ်တိုင်လည်း တကယ်လုပ်မှာ . . . အဲ့ဒီလို စိတ်တန်ခိုးနဲ့လည်း အမြန်ရဖို့ သေချာပေါက်ရဖို့လုပ်မှာဖြစ်တယ် . . . မင်းဖြစ်ချင်တဲ့အရာက ရုပ်ရှင်မင်းသားဆိုရင်လည်း မင်းသားပေါ့ . . . ရုပ်ရှင် ဒါရိုက်တာဆိုလည်း ဒါရိုက်တာပေါ့ကွာ . . . ဒါမှမဟုတ်ရင်လည်း မင်းဟာ တိုင်းပြည်နဲ့လူမျိုးကို ကောင်းကျိုးပြုတဲ့ ဆရာကြီးတစ်ဦး၊ ပရဟိတ္တလုပ်ငန်းတွေကို ကမ္ဘာနဲ့ချီပြီး အောင်မြင်အောင်လုပ်မဲ့ပုဂ္ဂိုလ်စသည်ဖြင့် မင်းဖြစ်ချင်တာကို နှုတ်ကပြောရတော့မယ် . . . အဲ့ဒီမှာ မင်းရဲ့ပါးစပ်က ငါဟာ ×××××××××× ဖြစ်နိုင်တဲ့လူတစ်ယောက်ဘဲ . . . ငါ့မှာ ×××××××××××××××× ဖြစ်နိုင်တဲ့အရည်အချင်းတွေရှိနေတာ . . . အခု ငါကိုယ်တိုင်ကို သိသိသာသာ သိမြင်နေပြီ . . . အဲ့ဒီတော့ . . . (ငါဟာ ××××××××××××× ဖြစ်မဲ့လူတစ်ယောက်ဖြစ်နေပြီ) အဲ့ဒီလို ကိုယ် ဖြစ်ချင်တာကို ဆက်တိုက်တိုးတိုးလေးပြောရမယ် . . . ဒါဟာ အာရုံပြုတဲ့အဆင့်(×××××××××××××××)သာ ရှိနေသေးတယ် . . . ဒီအဆင့်ကို ပထမအနေနဲ့ ( ၂-မိနစ်ခွဲဘဲ လုပ်ရမယ်) . . . ဒုတိယအနေနဲ့ကတော့ အတည် ပြုတာ(×××××××××××××) (ငါဟာ ××××××××××××××× ဖြစ်သွားပြီ)ဆိုပြီး ဆက်တိုက် ကိုယ်ကြားတယ်ဆိုရုံလောက်ဘဲပြောရမယ် . . . အဲ့ဒါကိုလည်း ( ၂-မိနစ်ခွဲဘဲ ပြုလုပ်ရမယ်) ၊ နှစ်ခုပေါင်း (၅)မိနစ် ဆိုရင်ရပါပြီ . . . ရှေ့ကဲ့Relizationရီလိုက်ဇေးရှင်းလုပ်နေတာကတော့ စလုပ်ခါစမှာ အချိန်အတော်ယူရင်ယူရမှာပေါ့ . . . ဒါပေမဲ့ တဖြေးဖြေးလုပ်နေကျသွားရင် အချိန်သိပ်မယူရတော့ပါဘူး . . . ရီလိုက်ဇေးရှင်ဲးဲ့Relizationအဆင့်ဟာ ပြင်ဆင်တာလို့ သဘောထားမှတ်ယူပြီး ( ××× အာရုံပြုခြင်း ××××××××××× ) နဲ့( ×××××အတည်ပြုခြင်း×××××××× )ကိုသာ Auto Suggestion လုပ်ချိန်လို့သတ်မှတ်ပါ . . .

အဲ့ဒီလို အသေအချာ ယုံကြည်စွာလုပ်မယ်ဆိုရင် မင်း . . . တိုက်ကြီးနဲ့နေတဲ့သူဋ္ဌေး ဖြစ်ချင်လား . . . ကားပိုင်ချင်လား . . . စသည်ဖြင့် ဘ၀မှာအားလုံးရလိမ့်မယ် . . . ကိုယ်က ဘာမှတောင်မှလိုက်ပြီး မလုပ်လိုက်ရဘူး . . . နည်းမှန်လမ်းမှန်နဲ့ Auto Suggestion လုပ်တတ်ရင် Auto Suggestion ကသာ မင်းဖြစ်ချင် တာ . . . မင်းရချင်တာကို ပေးသွားလိမ့်မယ်”ဟု ဆိုလေတော့၏။

ထိုအခါ ကျွန်ုပ်မှ “ဒါဆို ကျွန်တော် (၅)မိနစ်မဟုတ်ဘူး . . . တစ်ရက်ကို နာရီဝက် တစ်နာရီလုပ်မယ် . . . ခဏခဏ လုပ်မယ်ဆိုရင် မကောင်းဘူးလားဆရာ”ဟုမေးရာ ဆရာသမားမှ “မရဘူး . . . လုံးဝကိုအဲ့လိုမလုပ်ရဘူး… အန္တရာယ်ဖြစ်သွားတတ်တယ် . . . အောင်လည်း အောင်မြင်မှာမဟုတ်ဘူး . . . တစ်ရက်ကို (၅)မိနစ် တိတ်ဆိတ်တဲ့ အချိန် . . . ကိုယ့်အတွက် အဆင်ပြေမဲ့တချိန်သာလုပ်ရမယ် . . . မနက်ဆိုလည်း မနက် . . . ညဆိုလည်း ည . . . ညအိပ်ခါနီးလုပ်တာဟာအကောင်းဆုံးဘဲ…အချိန်ကိုတော့အသေအချာ သတ်မှတ်ထားရမယ် . . . အားတဲ့အချိန်လုပ်မယ်ဆိုပြီးတော့မရဘူး . . . (၅)မိနစ်နဲ့ (၁)လပြည့်ပြီဆိုမှ (၃)မိနစ်တိုးပြီး (၈)မိနစ်လုပ်သွား . . . အဲ့လို (၁)လမှာ တစ်ကြိမ် အချိန်နည်းနည်းတိုးသွားရမယ် . . . ဒါကတော့ မင်းရဲ့စိတ်က သိလာလိမ့်မယ် . . . တစ်ယောက်နဲ့တစ်ယောက် စိတ်စွမ်းအင် Wile Power ကမတူဘူး . . . အဲ့ဒီလို အချိန်တွေတိုးသွားတာကလည်း နောက်ဆုံးမိနစ်(၂၀)ပြည့်ရင်တော့ ထပ်မတိုးသင့်တော့ဘူး” ဟုဆိုလေတော့၏။

ကျွန်ုပ်သည် ကောင်းစွာပင် ရေးမှတ်ပြီဖြစ်သလို Auto Suggestion လုပ်ရခြင်းနှင့်ပတ်သက်၍ ကောင်းစွာ သဘောပေါက်သွားပြီဖြစ်တော့၏။ ထိုရေးမှတ်ထားခဲ့သည့် မှတ်စုအား ဆရာသမား၏စကား(သို့)စိတ်လေ့ကျင့်ခန်း ဟုပင် ခေါင်းစဉ်တပ်လိုက်တော့၏။ ပြီးလျှင် စာအုပ်များသိမ်း၍ ကျွန်ုပ် ကင်မရာအားယူလိုက်ပြီး ဓါတ်ပုံများကိုယူ၍ ကျွန်ုပ်ဓါတ်ပုံရိုက်ရာ နန်းဟေ၀န်ပန်းခြံဆီသို့ ထွက်ခွာခဲ့လေတော့၏။

ဆက်လက်ဖော်ပြပါဦးမည် . . . ။

မေတ္တာအနန္တဖြင့်
အောင်ကောင်းမွန်(လားရှိုး)